ശശിശങ്കർ

ഒരു മലയാള ചലച്ചിത്രസംവിധായകനായിരുന്നു ശശിശങ്കർ. കോട്ടയം കോലഞ്ചേരി സ്വദേശി. പി എ ബക്കറുടെ സംവിധാന സഹായിയാണു തുടക്കം. നാരായം[1], മിസ്റ്റർ ബട്‌ലർ, പുന്നാരം, മന്ത്രമോതിരം, ഗുരുശിഷ്യൻ, കുഞ്ഞിക്കൂനൻ, സർക്കാർ ദാദ, ഉത്രം നക്ഷത്രം തുടങ്ങിയ ചിത്രങ്ങൾ സംവിധാനം ചെയ്തിട്ടുണ്ട്[2][3]. മിസ്റ്റർ ബട്‌ലർ രണ്ടാം ഭാഗത്തിന്റെ തിരക്കഥാ രചനയിലായിരുന്നു. സൂര്യയെ നായകനാക്കി കുഞ്ഞിക്കൂനന്റെ തമിഴ് പതിപ്പായ പേരഴഗൻ, പഗഡൈ പഗഡൈ എന്നീ ചിത്രങ്ങളും സംവിധാനം ചെയ്തിട്ടുണ്ട്. 1993-ൽ പുറത്തിറങ്ങിയ നാരായത്തിന് സാമൂഹ്യ പ്രതിബദ്ധതയുള്ള ചിത്രത്തിന് ദേശീയ അവാർഡ് നേടിയിട്ടുണ്ട്.

ബീനയാണ് ഭാര്യ, വിഷ്ണു, മീനാക്ഷി. 2016 ആഗസ്ത് 10ന് ശശിശങ്കർ അന്തരിച്ചു.