ವಾರ್ತಾ ಭಾರತಿ

ವಾರ್ತಾಭಾರತಿ ಕನ್ನಡ ದೈನಿಕದ ಉದಯ ಕನ್ನಡ ಪತ್ರಿಕೋದ್ಯಮದಲ್ಲಿ ಒಂದು ಹೊಸ ಅಧ್ಯಾಯ. ಆಗಸ್ಟ್ ೨೯, ೨೦೦೩ರಂದು ಮಂಗಳೂರನ್ನು ಕೇಂದ್ರವಾಗಿಟ್ಟು ಮಾರುಕಟ್ಟೆಗೆ ಬಂದ ವಾರ್ತಾಭಾರತಿ ಇಂದು ಕರ್ನಾಟಕದ ಒಂದು ಜನಪ್ರಿಯ ದೈನಿಕವಾಗಿದೆ. ಅಬ್ಧುಸ್ಸಲಾಮ್ ಪುತ್ತಿಗೆ (ಎ.ಎಸ್. ಪುತ್ತಿಗೆ) ಯವರ ಪ್ರಧಾನ ಸಂಪಾದಕತ್ವದಲ್ಲಿ ಹೊರಬರುತ್ತಿರುವ ಈ ದೈನಿಕವನ್ನು ಮಾಧ್ಯಮ ಕಮ್ಯುನಿಕೇಶನ್ಸ್ ಲಿ. ಮುದ್ರಿಸುತ್ತಿದೆ. ಎಸ್.ಎಂ. ಸಯ್ಯದ್ ಖಲೀಲ್ ಮಾಧ್ಯಮ ಕಮ್ಯುನಿಕೇಶನ್ಸ್ ಲಿ. ನ ಅಧ್ಯಕ್ಷರಾಗಿದ್ದು, ಅಬ್ದುಸ್ಸಲಾಮ್ ಪುತ್ತಿಗೆಯವರು ದೈನಿಕದ ಆಡಳಿತ ನಿರ್ದೇಶಕರೂ ಆಗಿದ್ದಾರೆ. ಮಂಗಳೂರಿನಿಂದ ಪ್ರಾರಂಭವಾದ ಈ ಕನ್ನಡ ದಿನಪತ್ರಿಕೆ ಈಗ ಕರ್ನಾಟಕದ ರಾಜಧಾನಿಯಾದ ಬೆಂಗಳೂರಿನಿಂದಲೂ ಪ್ರಕಾಶನಗೊಳ್ಳುತ್ತಿದೆ.

ಪ್ರಕಾಶಿತ ಸಂಪಾದಕೀಯ

ವಾರ್ತಾಭಾರತಿಯ ಸಂಪಾದಕೀಯಗಳು ವ್ಯಾಪಕ ಜನಮನ್ನಣೆ ಪಡೆದವು. ತನ್ನ ಬದ್ಧತೆ, ನಿಖರತೆ, ಸ್ಪಷ್ಟತೆ ಮತ್ತು ಆಕರ್ಷಕ ನಿರೂಪಣೆಗಳಿಂದಾಗಿ ಈ ಸಂಪಾದಕೀಯಗಳು ಓದುಗರ ದೊಡ್ಡ ಬಳಗವನ್ನು ಹೊಂದಿದೆ. ನಾಡಿನ ಜ್ವಲಂತ ಸಮಸ್ಯೆಗಳ ಕುರಿತು ಪತ್ರಿಕೆ ತಳೆಯುವ ಸ್ಪಷ್ಟ ನಿಲುವಿಗೆ ಅದರ ಸಂಪಾದಕೀಯವು ಸಾಕ್ಷಿಯಾಗಿಧೆ. ನಿರ್ಣಾಯಕ ಸಂದರ್ಭಗಳಲ್ಲಿ ಪತ್ರಿಕೆ ತೆಳೆಯ ಸ್ಪಷ್ಟ ನಿಲುವು ಓದುಗರ ಮೆಚ್ಚುಗೆಗೆ ಪಾತ್ರವಾಗಿದೆ. ಸಂಪಾದಕೀಯದ ಕಾರಣಕ್ಕಾಗಿಯೇ ಪತ್ರಿಕೆಯನ್ನು ಕೊಂಡು ಓದುವ ಒಂದು ದೊಡ್ಡ ಬಳಗವೇ ವಾರ್ತಾಭಾರತಿಗೆ ಇದೆ. ಪತ್ರಿಕೆಯ ಆಯ್ದ ಸಂಪಾದಕೀಯಗಳು ಪುಸ್ತಕ ರೂಪದಲ್ಲಿ ಪ್ರಕಟವಾಗಿ ಮನ್ನಣೆ ಪಡೆದಿದೆ.

ವಿಚಾರ, ರಾಜಕೀಯ, ಸಮೃದ್ಧಿ, ವಿಜ್ಙಾನ ಪರಿಸರ, ಮನರಂಜನೆ -- ಹೀಗೆ ಹಲವು ಅಭಿರುಚಿಗಳಿಗೆ ವೇದಿಕೆಯಾಗಿರುವ ವಾರ್ತಾಭಾರತಿ, ಯಾವುಧೇ ಜಾತಿ, ವರ್ಗ, ಪಕ್ಷ, ಸಂಘಟನೆ ಅಠವಾ ವ್ಯಕ್ತಿಯ ಮರ್ಜಿಗೆ ಒಳಗಾಗದ ಪತ್ರಿಕೆ. ಪ್ರಾತಿನಿಧ್ಯ ವಂಚಿತ ತಳಮಟ್ಟದ ಸಮುದಾಯಗಳಿಗೆ ವಾರ್ತಾಭಾರತಿ ಧ್ವನಿಯಾಗಿದೆ. ಇದರಲ್ಲಿ ಪ್ರಕಟಿತ ಹಲವು ರಾಜಕೀಯ ವಿಶ್ಲೇಷಣೆಗಳು,ಮಾನವೀಯ ವರದಿಗಳು, ರಾಜ್ಯಾದ್ಯಾದಂತ ಸಂಚಲನವನ್ನು ಉಂಟು ಮಾಡಿದೆ. ಅನೇಕ ವಿಶೇಷ ವರದಿಗಳು ವಿಧಾನಸೌಧವನ್ನೂ ತಲುಪಿ ಸದ್ದು ಮಾಡಿದೆ.

ವಾರ್ತಾಭಾರತಿ ಪತ್ರಿಕೆಯ ಹೆಗ್ಗಳಿಕೆಯಲ್ಲಿ ಅದರ ವಿಚಾರಭಾರತಿ ಪುಟವೂ ಒಂದು. ಈ ಪುಟದಲ್ಲಿ ಪ್ರಕಟವಾಧ ಲೇಖನಗಳು ರಾಜಕೀಯವಾಗಿ, ಸಾಂಸ್ಕೃತಿಕವಾಗಿ ಹಲವು ಚರ್ಚೆಗಳಿಗೆ ಪ್ರೇರಣೆಯಾಗಿವೆ. ವರ್ತಮಾನದ ಜ್ವಲಂತ ಸಮಸ್ಯೆಗಳಿಗೆ ವೇದಿಕೆಯಾಗಿರುವ ವಿಚಾರಭಾರತಿಯಲ್ಲಿ ನಾಡಿನ ಖ್ಯಾತ ಲೇಖಕರು ಬರೆಯುತ್ತಿದ್ದಾರೆ. ಹರಿತವಾದ ಸಂಪಾದಕೀಯ, ವೈಚಾರಿಕ ಲೇಖನ, ವ್ಯಕ್ತಿಪರಿಚಯ, ಓದುಗರ ಅಭಿಪ್ರಾಯ ಹೇಳುವ ವಾಚಕಭಾರತಿ ಮೊದಲಾಧವುಗಳ ಮೂಲಕ ವಿಚಾರಭಾರತಿ ಓದುಗರ ಮನದಲ್ಲಿ ವಿಶಿಷ್ಟ ಸ್ಥಾನವನ್ನು ಪಡೆದಿದೆ. ವಾರ್ತಾಭಾರತಿಯ ಒದುಗರು ಅತಿ ಹೆಚ್ಚು ಸ್ಪಂದಿಸುವ ಪುಟವಾಗಿದೆ ಈ ವಿಚಾರಭಾರತಿ.

ವಾರ್ತಾಭಾರತಿಯಲ್ಲಿ ನಿಯಮಿತವಾಗಿ ಪ್ರಕತವಾಗುವ ಅಂಕಣಗಳು ಓದುಗರ ಪಾಲಿಗೆ ಬೆಳಕಿಂಡಿಗಳು. ರಾಜಕೀಯ, ಪರಿಸರ, ಶಿಕ್ಷಣ, ಕಲೆ, ಸಾಹಿತ್ಯ, ಸಂಸ್ಕೃತಿ, ಆರೋಗ್ಯ, ಇತ್ಯಾದಿಗಳ ಕುರಿತು ನಾಡಿನ ಖ್ಯಾತ ಲೇಖಕರು, ಚಿಂತಕರು ಪ್ರತಿವಾರ ಪತ್ರಿಕೆಯಲ್ಲಿ ಬರೆಯುತ್ತಾರೆ. ವಾರ್ತಾಭಾರತಿಯಲ್ಲಿ ಪ್ರಕಟವಾಗುವ ಸ್ಥಿರ ಅಂಕಣಗಳು ಮತ್ತು ಅಂಕಣಕಾರರ ಹೆಸರುಗಳು ಹೀಗಿವೆ:

ವಾತಾ೯ ಭಾರತಿಯ ಸಂಪಾದಕರು ಎ.ಎಸ್. ಪುತ್ತಿಗೆಯವರು.

ವಾರ್ತಾಭಾರತಿ.ನೆಟ್ ಅಥವಾ ವಾರ್ತಾಭಾರತಿ.ಇನ್ ವಾರ್ತಾಭಾರತಿ ದಿನಪತ್ರಿಕೆಯ ಅಂತರ್ಜಾಲ ತಾಣ. ಅಂತರ್ಜಾಲದ ಹೊಸ ತಂತ್ರಜ್ಞಾನ ಬಳಸಿ ಕನ್ನಡದಲ್ಲಿ ವಾರ್ತಾಭಾರತಿಯ ಅಂತರ್ಜಾಲ ಆವೃತ್ತಿಯನ್ನು ಬೆಂಗಳೂರಿನಲ್ಲಿ ಅಭಿವೃದ್ಧಿಪಡಿಸಲಾಗುತ್ತಿದೆ.

• ವಾರ್ತಾಭಾರತಿಯ ಅಂತರ್ಜಾಲ ಆವೃತ್ತಿ