کرن کپور

کرن کپور ( پیدائش 18 جنوری 1962)[1] ایک سابق فلمی اداکار اور ماڈل ہیں۔ وہ بالی وڈ کے اداکار ششی کپور اور ان کی آخری بیوی، برطانوی اداکارہ جینیفر کینڈل کے بیٹے ہیں۔ پرتھوی راج کپور ان کے دادا اور راج کپور اور شمی کپور ان کے چچا ہیں۔ ان کے بڑے بھائی کنال کپور اور بہن سنجنا کپور نے بھی کچھ فلموں میں کام کیا ہے لیکن وہ کامیاب نہیں ہوئے۔ ان کے نانا نانی، جیفری کینڈل اور لورا کینڈل بھی اداکار تھے، جو بھارت اور ایشیا میں اپنے تھیٹر گروپ "شیکسپیرین" کے ساتھ دورہ کرتے اور شکسپیر ڈراما پر مبنی شو پیش کیا کرتے تھے۔ اداکاری کے بعد کرن نے فوٹوگرافی کی طرف رخ کیا اور اسے ہی بطور پیشہ اپنانے کا فیصلہ کر لیا۔، تاہم انہوں نے ایک اداکار کے طور پر بھی کام کیا۔ ایک حالیہ انٹرویو میں کرن کا کہنا تھا کہ اداکاری سے تعلق رکھنے والے ایک بہت مشہور فلمی خاندان کا حصہ رہنے کے باوجود وہ بچپن سے ہی ہمیشہ فوٹوگرافی میں دلچسپسپی رکھتے ہیں۔

Karan Kapoor
 
معلومات شخصیت
پیدائش 18 جنوری 1962ء
ممبئی  
رہائش لندن، انگلستان
شہریت بھارت  
زوجہ لورنا کپور
اولاد 2
والدین ششی کپور
جینیفر کینڈل
والد ششی کپور  
بہن/بھائی
سنجنا کپور  
عملی زندگی
پیشہ اداکار، فوٹوگرافر
مادری زبان ہندی  
پیشہ ورانہ زبان ہندی  
IMDB پر صفحہ 

کاروباری زندگی

انہوں نے 1978 میں بننے والی فلم جذبہ کے ذریعے اپنی اداکاری کا آغاز کیا جسے شیام بینیگل ایوارڈ بھی ملا۔ اس فلم میں انہوں نے اپنے والدین اور بہن بھائی دونوں کے ساتھ کام کیا۔ 1981 میں اپنے والد کی پیشکش فلم چورنگی لین میں کرن کپور نے چھوٹا سا کردار ادا کیا۔ 1984 میں انہوں نے برطانوی ٹی وی سیریل "The Jewel in the crown" میں کام کیا۔ انہوں نے بالی ووڈ کی مرکزی فلموں میں اپنی اداکاری کا آغاز کیا۔ 1996 میں فلم سلطنت میں دھرمیندر، سنی دیول اور جوہی چاولہ کے ساتھ کام کیا۔[1] انہوں نے بعد میں لوہا (1987) اور افسر (1988) میں اداکاری کی لیکن انہیں اداکار کے طور پر زیادہ کام نہیں ملا۔ انہوں نے بہت سے نمایاں بھارتی برانڈز کے لیے ماڈلنگ کی جن میں ممبئی ڈائنگ بھی شامل ہے۔ 1984 میں انہوں نے برطانوی سیریل The Jewel in the crown میں کام کیا۔ ان کی آخری فلم انڈیا کی "افسر" تھی۔[2][3] 1990 میں وہ انڈیا سے برطانیہ چلے گئے۔ برطانوی سیریل کے بعد انہوں نے انہوں نے South of the Border اور The tooth of the Lion میں بھی کام کیا۔ اداکاری میں بہت کامیاب نہ ہونے کی بنا پر بعد میں انہوں نے فوٹوگرافی کی طرف رخ کیا۔ اور فوٹوگرافر بن گئے۔ برطانیہ میں شادی کے بعد انہوں نے چیلسیا لندن میں اپنی بیوی لورنا، بیٹی عالیہ اور بیٹے زیک کے ساتھ رہنے لگے۔[1][4][5] تقریباً 25 سال کے بعد کرن اپنی عوامی زندگی کی طرف پلٹے اور "Time and Tide" کے نام سے اپنی فوٹوگرافی کی نمائش کروائی۔ یہ نمائش 2016 نومبر میں اپنے آبائی شہر ممبئی میں منعقد کی۔ بعد ازاں دوسرے شہروں جیسے بنگلور، کلکلتہ، نیو دہلی، احمدآباد اور جے پور میں بھی نمائش کا اہتمام کیا۔ کرن انڈیا کی اینگلو انڈین کمیونٹی پر اپنی تحقیق کے لیے مشہور ہیں۔ 1980ء کی دہائی میں انہوں نے ان کمیونٹیز سے ملنے کے لیے انڈیا کے مختلف حصوں میں سفر کیا۔ اور اس چھوٹی سی کمیونٹی کے لوگوں کا طرز زندگی اپنی تصاویر کے ذریعے نمایاں کیا۔ نومبر 2016 میں ان کے آرٹیکلز پہلے بی بی سی اور بعد ازاں انڈین ایکسپریس، ہندوستان ٹائمز اور دیگر اخبارات میں شائع ہوئے۔ اپنے کسی انٹرویو میں کرن نے بتایا کہ وہ انڈیا میں مزید فوٹوگرافی پراجیکٹ تیار کرنا چاہتے ہیں کیونکہ اب ان کے بچے بڑے ہو گئے ہیں لہٰذا اب وہ انڈیا میں زیادہ وقت گزار سکتے ہیں۔

حوالہ جات
  1. "Meet Ranbir Kapoor's 52-year-old half British uncle who can still give the actor a run for his money"۔ daily.bhaskar.com۔ مورخہ 7 جنوری 2019 کو اصل سے آرکائیو شدہ۔
  2. "klikhierniet.net"۔ paklinks.com۔
  3. http://ibnlive.in.com/photogallery/5698-24/photostory.html
  4. "The Telegraph - Calcutta (Kolkata) - 7days - Eye on England"۔ telegraphindia.com۔ مورخہ 7 جنوری 2019 کو اصل سے آرکائیو شدہ۔
  5. "'Dream Lover' Karan Kapoor blessed with a baby girl : EYECATCHERS - India Today"۔ intoday.in۔ مورخہ 7 جنوری 2019 کو اصل سے آرکائیو شدہ۔

بیرونی روابط
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.