چارلس ڈیگال

چارلس ڈیگال یا شارل دے گول ایک فرانسیسی سیاست دان اور جنرل تھا۔ دوسری جنگ عظیم میں فرانس کی شکست کے بعد تحریک مدافعت کے رہنما۔ فرانس کی پانچویں جمہوریہ کے صدر۔ پیرس میں تعلیم حاصل کرنے کے بعد فوج میں ملازمت کرلی۔ دوسری جنگ عظیم میں فرانس پر نازی حملے کے بعد انگلستان چلے گئے۔ اوروہاں آزاد فرانسیسی قومی کمیٹی قائم کی۔ جرمنی کی شکست کے بعد فرانس واپس آئے۔ اور 1946ء تک فرانس کی عبوری حکومت کے صدر رہے۔ پھر بعض سیاسی اختلافات کی وجہ سے مستعفی ہو گئے۔ لیکن 1947ء میں پھر سیاست میں حصہ لینے لگے۔ اور ایک سیاسی جماعت منظم کی جس نے پارلمینٹ میں کافی نشستیں حاصل کر لیں۔ لیکن 1951ء میں یہ جماعت داخلی انتشار کا شکار ہو کر ختم ہو گئی اور ڈیگال سیاست سے کنارہ کش ہو گئے۔ کچھ عرصے بعد ان کے حامیوں نے ایک نئی جماعت بنالی اور 1958ء میں وہ دوبارہ سیاسی میدان میں اترے۔ اس وقت فرانس سیاسی بدنظمی کا شکار تھا۔ بحرانی حالات میں جنرل ڈیگال وزیر اعظم مقرر ہوئے۔ ان کے عہد میں فرانس کا نیا آئین مرتب کیا گیا۔ جس میں صدر کو وسیع اختیارات تفویض کیے گئے۔ جنوری 1959ء میں فرانس کے صدر منتخب ہوئے۔ 1965ء میں سات سال کی مدت کے لیے دوبارہ صدر چنے گئے۔ اپریل 1969ء میں انھوں نے مرکزی انتظامیہ کے اختیارات کم کرنے کے سلسلے میں ریفرنڈم کرایا جس میں انھیں ناکامی ہوئی اور مستعفی ہو گئے۔

چارلس ڈیگال
(فرانسیسی میں: Charles de Gaulle)
مناصب
صدر
دفتر میں 18 جون 1940  – 3 جولا‎ئی 1944
صدر فرانس
دفتر میں 8 جنوری 1959  – 28 اپریل 1969
معلومات شخصیت
پیدائشی نام	(فرانسیسی میں: Charles André Joseph de Gaulle Maillot)
پیدائش	22 نومبر 1890 [1][2][3][4][5][6][7]
وفات	9 نومبر 1970 (80 سال)[1][2][4][5][6][7][8]
طرز وفات	طبعی موت
شہریت	فرانس
عملی زندگی
پیشہ	فوجی افسر [9]، ریاست کار ، یاداشت نگار ، عسکری نظریہ ساز ، سیاست دان ، فوجی افسر
مادری زبان	فرانسیسی
پیشہ ورانہ زبان	فرانسیسی [10]
مؤثر	مارشل پیتاں
عسکری خدمات
شاخ	فرانسیسی فوج
عہدہ	بریگیڈیئر جنرل
لڑائیاں اور جنگیں	پہلی جنگ عظیم ، جنگ الجزائر ، دوسری جنگ عظیم
اعزازات
آرڈر آف ایلی فینٹ (1965)  رائل وکٹورین چین (1960)  گرینڈ کراس آف دی لیگون آف ہانر  نائیٹ گرینڈ کراس آف دی رائل وکٹورین آرڈر
دستخط
	IMDB پر صفحہ