صلح حسن و معاویہ

معاویہ بن ابو سفیان جزیرہ نما عرب کے علاقے شام (موجودہ سوریہ، لبنان، اردن اور فلسطین) کے گورنر تھے۔ جب علی ابن ابی طالب چوتھے خلیفہ منتخب ہوئے تو معاویہ نے ان کی بیعت کرنے سے انکار دیا اور اسی وجہ سے نزاع برپا ہوا۔[4] بعد میں علی قتل کر دیے گئے اور لوگوں نے ان کے فرزند حسن کی بیعت کر لی، پھر معاویہ نے حسن پر حملہ کر دیا۔ نتیجاً حسن اور معاویہ کی فوجوں کے درمیان بار بار جھڑپیں ہوئیں اور کوئی دو ٹوک فیصلہ نہ ہو سکا۔[2]

معاویہ جس نے پہلے ہی حسن کے ساتھ مذاکرات شروع کردیے تھے اس نے اعلی سطحی قاصد بھیجے، جبکہ اس بات کا اعادہ کیا کہ حسن کو جانشین مقرر کریں گے جس کی گواہی ایک خط دیتی ہے اور جو کچھ ان کی خواہش ہو وہ اسے دیں گے۔ حسن نے پیشکش کو قبول کیا اور عمرو بن سلمہ الہمدانی اور اپنے سالے محمد ابن اشعث کو واپس اپنے مذاکرات کاروں کے طور پر معاویہ کے پاس بھیجا۔ پھر معاویہ نے خط لکھا کہ وہ حسن کے ساتھ امن اس بنیاد پر کر رہے ہیں کہ حسن اس کے بعد ان کے وارث ہوں گے۔ انہوں نے قسم کھائی کہ وہ اسے نقصان پہنچانے کی خواہش نہ کریں گے۔ اور یہ کہ وہ 1,000,000 درہم خزانہ (بیت المال) سے سالانہ اس کا وظیفہ مقرر کریں گے، ساتھ ہی ساتھ فسا اور دارابگرد کی زمینوں کا ٹیکس بھی ادا کرتے رہے گے۔ جس کو وصول کرنے کے لیے حسن اپنے آدمی بھیجیں گے۔ یہ خط چار قاصدوں نے مورخہ اگست 661ء میں دیکھا۔[5][6]

جب حسن نے خط پڑھا تو فرمایا ”وہ میرے نفس کو اُس معاملے پر مائل کرنے کی کوشش کر رہے ہیں اور اگر مجھے اس کی طمع ہوتی تو میں کیا ان سے صلح کرتا۔“[7] پھر انہوں نے معاویہ کے بھانجے عبد اللہ بن حارث کو واضح ہدایات کے ساتھ ان کے پاس بھیجا۔ اور ان سے کہا کہ ”جا کر اپنے ماموں سے کہو کہ اگر وہ عوام الناس کے تحفظ کی ضمانت دیں تو میں ان سے صلح پر آمادہ ہوں۔“ تب معاویہ نے اپنی مہر لگا کر ایک کاغذ بھیجا کہ حسن اس پر جو چاہیں لکھ لیں۔[2][6]