صحیفہ صادقہ
صحیفہ صادقہ اسے الصادقہ بھی کہتے ہیں عبداللہ بن عمروبن العاص کی روایتوں کے مجموعے کا نام ہے۔
- عبداللہ بن عمرو کو حضور اقدس صلی اللہ تعالیٰ علیہ وسلم کی بارگاہ سے کتابت حدیث کی کامل طور پر اجازت بلکہ حکم مل چکا تھا۔ لہذا آپ نے جو بھی سنا اس کو لکھا۔ آپ نے اپنے صحیفہ کانام ’’الصادقہ ‘‘ رکھاتھا ،آپ نے بلا واسطہ روایات کو اس میں جمع کیاتھا۔ خودفر ماتے ہیں :۔
- ہذہ الصادقۃ فیہا ماسمعتہ من رسول اللہ صلی اللہ تعالیٰ علیہ وسلم ولیس بینی وبینہ فیہااحد ۔
- یہ صحیفہ صادقہ ہے، اس میں وہ احادیث درج ہیں جو میں نے خود حضورﷺ سے سنی ہیں، اس کی روایت کے لیے میرے اورحضور کے درمیان کوئی واسطہ نہیں ۔
- آپ کو یہ صحیفہ بہت عزیز تھا ،فرماتے تھے ۔
- مایرغبنی فی الحیوۃ الاالصادقۃ والوہط ۔
- زندگی میں میری دلچسپی جن چیزوں سے ہے ان میں ایک یہ صحیفہ ہے اور دوسری ’’وھط‘‘ نامی میری زمین ہے ۔
- حفاظت کے لیے آپ اس صحیفے کو ایک صندوق میں بند رکھتے تھے۔ آپ کے بعد آپ کے اہل خانہ نے بھی اس صحیفے کی حفاظت کی ۔گمان غالب یہ ہے کہ آپ کے پوتے عمرو بن شعیب اس صحیفے سے روایت کرتے تھے۔ گوعمرو بن شعیب سے ساراصحیفہ مروی نہیں لیکن امام احمد بن حنبل نے اپنی مسند میں اس کے مندرجات کو روایت کر دیا ہے۔ احادیث کی دوسری کتابوں میں بھی اس صحیفے کی احادیث ملتی ہیں ۔
- اس صحیفے کی علمی اہمیت بہت زیادہ ہے ،کیونکہ یہ ایک تاریخی دستاویز ہے اور اس سے حضورصلی اللہ تعالیٰ علیہ وسلم کے سامنے احادیث لکھنے کا واضح ثبوت بھی ملتاہے۔[1]
- کہتے ہیں اس میں ایک ہزار حدیثیں تھیں ۔[2]
حوالہ جات
- ضیاء النبی پیر کرم شاہ7/133
- جامع الاحادیث،جلد اول محمد حنیف خاں رضوی، رضا دارالاشاعت آنند وہار بریلی شریف
This article is issued from
Wikipedia.
The text is licensed under Creative
Commons - Attribution - Sharealike.
Additional terms may apply for the media files.