سی ایس ایس

سی ایس ایس جو اصلا Cascading Style Sheets کا مخفف ہے ایک زبان ہے جسے ایچ ٹی ایم ایل یا دیگر تدوینی زبانوں میں تحریر شدہ صفحات کی تحسین وتزیین کاری کے لیے استعمال کیا جاتا ہے۔[1] اس وقت ایچ ٹی ایم ایل اور جاوا اسکرپٹ کے ساتھ مل کر سی ایس ایس انٹرنیٹ پر موجود ویب گاہوں، ویب اطلاقیوں اور دیگر بہت سے موبائل اطلاقیوں کی تعمیر میں بنیادی پتھر کا کردار ادا کر رہی ہے۔[2]

سی ایس ایس Cascading Style Sheets (CSS)
توسیع نام فائل .css
انٹرنیٹ میڈیا کی قسم text/css
ڈویلپر
  • Håkon Wium Lie
  • Bert Bos
  • World Wide Web Consortium
ابتدائی ریلیز دسمبر 17، 1996 (1996-12-17)
فارمیٹ کی قسم Style sheet language
اسٹینڈرڈs

بنیادی طور پر سی ایس ایس کو اس مقصد کے تحت بنایا گیا تھا کہ کسی بھی دستاویز یا فائل کے اصل مواد کو اس کی تحسین وتزیین کاری مثلاً صفحہ کا ڈھانچہ، رنگ اور فانٹ وغیرہ کی تیاری سے جدا کیا جا سکے۔[3] فائل کے اصل مواد اور تزئینی مواد کی علاحدگی کے متعدد فوائد ہیں مثلاً فائل میں درج مواد کا پڑھنا سہل ہو جاتا ہے، مختلف ایچ ٹی ایم ایل عناصر کو یکساں شکل دینی مقصود ہو تو کوڈ کئی دفعہ لکھنے کی بجائے ایک ہی بار لکھنا کافی ہوتا ہے اور متعدد ایچ ٹی ایم ایل صفحات کے لیے ایک ہی سی ایس ایس فائل استعمال کی جا سکتی ہے۔ نیز ایک ہی فائل یا ویب صفحہ کو متعدد طریقوں میں پیش کیا جا سکتا ہے مثلاً اسکرین پر نظر آنے والے مواد کی شکل اور ہیئت کو طبع کرتے وقت مختلف رکھا جا سکتا ہے۔ اسی طرح صارفین جن آلات کے ذریعہ صفحہ کو پڑھ رہے ہیں ان آلات کی اسکرین کا حجم مختلف ہو سکتا ہے، چنانچہ سی ایس ایس کے ذریعہ مختلف حجم کی اسکرینوں پر بیک وقت یکساں مواد کو درست اور متفرق طریقے سے دکھایا جانا ممکن ہے۔ نیز صارفین اپنے پسندیدہ طرز کو بھی استعمال کر سکتے ہیں۔ سی ایس ایس اور اس کی ترقی وتنظیم ورلڈ وائڈ ویب کنزورشیم (W3C) سنبھالتا ہے۔

حوالہ جات
  1. "CSS developer guide"۔ Mozilla Developer Network۔ مورخہ 25 دسمبر 2018 کو اصل سے آرکائیو شدہ۔ اخذ شدہ بتاریخ 2015-09-24۔
  2. "Web-based Mobile Apps of the Future Using HTML 5, CSS and JavaScript"۔ HTMLGoodies۔ اخذ شدہ بتاریخ October 2014۔ Check date values in: |accessdate= (معاونت)
  3. "What is CSS?"۔ World Wide Web Consortium۔ اخذ شدہ بتاریخ December 2010۔ |archive-url= is malformed: timestamp (معاونت); Check date values in: |accessdate= (معاونت)
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.