سلیم خان

سلیم عبد الرشید خان (انگریزی: Salim Khan) جنہیں فلمی دنیا میں سلیم خان کے طور پر جانا جاتا ہے ایک بھارتی فلمی اداکار، فلم ساز اور منظر نویس ہیں۔ بطور منظر نویس انہوں نے کئی بالی وڈ فلموں کی منظر نویسی کی۔ بالی وڈ میں وہ جاوید اختر کے ساتھ اپنی جوڑی سلیم-جاوید کے طور پر زیادہ مشہور ہیں۔ بطور جوڑی سلیم-جاوید بالی وڈ ستارہ کی حیثیت حاصل کرنے ویکی پہلی منظر نویس جوڑی ہے، [1] جو بھارتی کل وقتی سب سے کامیاب منظر نویسی بنی۔ [2] [3] ان کی کئی فلمیں سب سے زیادہ کمائی کرنے والی بھارتی فلموں کی فہرست میں شامل ہیں جس میں شعلے سر فہرست ہے۔ شعلے کو کل وقتی بہترین بالی وڈ فلموں میں سے ایک تصور کیا جاتا ہے۔ [4][5]

سلیم خان
معلومات شخصیت
پیدائش	24 نومبر 1935 (84 سال)  اندور
شہریت	بھارت برطانوی ہند
زوجہ	ہیلن (1981–) سوشیلا چراک (1964–)
اولاد	سہیل خان ، سلمان خان ، ارباز خان ، الویرا خان اگنی ہوتری ، ارپیتا خان
عملی زندگی
پیشہ	اداکار ، منظر نویس
پیشہ ورانہ زبان	ہندی ، اردو
	IMDB پر صفحہ

وہ بالی وڈ اداکار سلمان خان کے والد بھی ہیں جنہیں بالی وڈ کے تین بڑے خانوں میں ایک شمار کیا جاتا ہے۔ ان کے دیگر دو بیٹے سہیل خان اور ارباز خان بھی فلمی صنعت سے وابستہ ہیں۔ ان کی دو بیویاں سوشیلا چراک (سلمی خان) [6] اور ہیلن ہیں۔ [7] سلیم خان بطور سلیم-جاوید جوڑی چھ فلم فیئر اعزازات جیت چکے ہیں 2014ء میں انہیں پدم شری اعزاز سے بھی نوازا گیا۔ [8]