ایوو تاکاموٹو

مشہور کارٹونسٹ۔ مشہور کارٹون سکوبی ڈو کے خالق ۔لاس اینجلس میں پیدا ہوئے۔ کارٹون بنانے کی غیر رسمی تربیت جنگ عظیم دوم میں قید کے دوران اپنے ساتھی جاپانی نژاد امریکیوں سے حاصل کی۔

سکوبی ڈو

انہوں نے سکوبی ڈو کا کردار گریٹ ڈین نسل کے کتے پالنے والے ایک شخص سے بات چیت کے بعد تیار کیا۔ اس شخص نے انہیں گریٹ ڈین کی تصاویر بھی فراہم کیں۔ انہوں نے ان تصاویر سے بالکل ہٹ کر سکوبی ڈُو کو بنایا بلکہ کتے کا رنگ بھی تبدیل کر دیا۔ کردار کا نام انہوں نے فرینک سناترا کے ایک گانے سے لیا جس میں ’ڈوبی ڈُو‘ کے الفاظ تھے۔

وہ ایک اور مشہور کارٹون موٹلی کے بھی خالق تھے۔ انہوں نے باربرا ہینا سٹوڈیو کے ساتھ کام کیا۔ انہوں نے جیٹسن اور فلنٹسٹون جیسے کارٹونوں کے مختلف کردار بھی تخلیق کیے۔ چھ دہائیوں پر محیط کیرئیر میں انہوں نے بچوں میں مقبول فلموں کے جن میں پیٹر پین اور سنڈریلا شامل ہیں ڈیزائن تیار کرنے میں معاونت کی۔ اپنے انتقال کے وقت وہ وارنر بردرز اینیمیشن کے وائس پریزیڈنٹ تھے۔ ان کا انتقال حرکت قلب بند ہونے سے ہوا۔