ایم اے جناح روڈ

بانی پاکستان قائد اعظم محمد علی جناح کے نام سے موسوم یہ شاہراہ کراچی کی اہم ترین سڑکوں میں شمار کی جاتی ہے جو مزار قائد سے شروع ہوکر کراچی کے انتہائی جنوب میں واقع کھارادر کے علاقے ٹاورپر ختم ہوتی ہے۔ اس سڑک کا پرانانام بندر روڈ تھا کیونکہ یہ کراچی کی بندرگاہ پر تک جاتی ہے۔ یہ بلاشبہ کراچی کی اہم ترین کاروباری شاہراہ ہے جس پر موجود کاروباری مراکز کی تعداد دوسری کسی بھی سڑک کے مقابلے میں بہت زیادہ ہے۔ کاروباری اوقات میں یہاں ٹریفک کا ازدحام دیکھا جاسکتا ہے۔ یہ سڑک مزار قائد سے عیدگاہ تک دو طرفہ ہے مگر عیدگاہ کے بعد یکطرفہ ہوجاتی ہے اور اس پر صرف جنوبا ٹاور کی سمت ہی سفر کیا جاسکتا ہے