نشاستہ

نشاستہ، اسٹارچ یا starch کسی بھی ایسے سالمۂ کبیر (macromolecule) کو کہا جاتا ہے جس کی ساخت میں کاربن، ہائیڈروجن اور آکسیجن کے ایٹم پائے جاتے ہوں۔ بنیادی طور پر نشاستہ گلوکوز کا پولی مر ہوتا ہے اور پودوں میں پایا جاتا ہے مثلاً آلو۔ انکا formula کیمیائی طور پر (C₆H₁₀O₅)_n لکھا جاتا ہے[1]۔ یہ سالمات چونکہ جاندار اجسام میں پائے جاتے ہیں اسی وجہ سے انکو حیاتی مکثورات میں شمار کیا جاتا ہے۔ طبی اعتبار سے یہ جانداروں کے جسم میں توانائی ذخیرہ کرنے کا سب سے اہم ذریعہ تسلیم کیے جاتے ہیں۔ یہ سالمات کبیر یا میکرو مالیکیولز اصل میں بہت سے چھوٹے سالمات یا مائکرو مالیکیولز سے ملکر بنے ہوتے ہیں اسی وجہ سے اس قسم کی شکر کو کثیر سکراد (polysaccharides) کہا جاتا ہے جو امائلوز اور امائلو پیکٹن کی ایک طویل زنجیر کی سی شکل پر بنے ہوئے ہوتے ہیں۔