کیری لام

کیری لام (چینی: 林鄭月娥؛ انگریزی: Carrie Lam) ہانگ کانگ کی چوتھی اور موجودہ منتظم اعلیٰ (چیف ایگزیکٹو) ہیں۔[4] اس سے قبل وہ سنہ 2012ء سے سنہ 2017ء تک ہانگ کانگ کے بڑے عہدوں میں سے ایک چیف سیکریٹری کے منصب پر فائر تھیں۔

کیری لام
(روایتی چینی میں: 林鄭月娥) 
 
مناصب
چیف سیکریٹری ہانگ کانگ (6  )  
دفتر میں
1 جولا‎ئی 2012  – 16 جنوری 2017 
اسٹیفن لام  
میتھیو چیونگ  
منتظم اعلیٰ ہانگ کانگ [1] (4  )  
آغاز منصب
1 جولا‎ئی 2017 
سی وائی لیونگ  
 
معلومات شخصیت
پیدائش 13 مئی 1957 (62 سال)[2] 
برطانوی ہانگ کانگ  
شہریت عوامی جمہوریہ چین (1 جولا‎ئی 1997–)
مملکت متحدہ (–2007)
برطانوی ہانگ کانگ (13 مئی 1957–30 جون 1997) 
آبائی علاقے ژووشان [3] 
عملی زندگی
مادر علمی ہانگ کانگ یونیورسٹی
جامعہ کیمبرج  
پیشہ سیاست دان  
پیشہ ورانہ زبان انگریزی  
دستخط
 

ہانگ کانگ یونیورسٹی سے تعلیم مکمل کرنے کے بعد کیری لام نے سنہ 1980ء میں سرکاری ملازمت اختیار کر لی اور مختلف حکومتی اداروں اور محکموں میں کام کیا۔ سنہ 2007ء میں انہیں جب سیکریٹری برائے ترقی مقرر کیا گیا تو وہ ایک اہم عہدیدار بن گئیں۔ اپنے وقت کے دوران ”ملکہ کے ستون“ (Queen's Pier) کے انہدام کے معاملے کو سنبھالنے کے لیے انہیں "جفاکش" کہا گیا۔

سنہ 2012ء میں لیونگ چُن یِنگ (سی وائی لیونگ) کی حکومت میں انہیں چیف سیکریٹری بنایا گیا۔ سنہ 2013ء سے سنہ 2015ء تک سیاسی اصلاحات کے ضمن میں انہوں نے آئینی ترقی پر ایک ٹاسک فورس کی قیادت کی اور سنہ 2014ء میں بڑے پیمانے پر ہوئے مظاہروں کے دوران طلبہ قائدین سے مزاکرات کیے۔

منتظم اعلیٰ کے سنہ 2017ء کے انتخاب میں الیکشن کمیٹی کے 1،194 ارکان میں سے 777 کی تائید حاصل کر کے کیری لام منتظم اعلیٰ منتخب ہوئیں۔ وہ انتخاب میں سابق مالیاتی سیکریٹری جان سانگ اور سبکدوش شدہ جج وو کووک ہنگ کو شکست دے کر ہانگ کانگ کی پہلی خاتون منتظم اعلیٰ بنی تھیں۔

ابتدائی زندگی اور تعلیم

کیری لام ہانگ کانگ میں ژووشان نسب کے ایک کم آمدنی والے خاندان میں پیدا ہوئیں، وہ پانچ بچوں میں چوتھے نمبر پر تھیں۔[5][6][7] وہ لوکہارٹ روڈ، وان چائی میں پیدا ہوئیں، جہاں کے لڑکیوں کے ایک کاتھولک اسکول، سینٹ فرانسس کینوسین کالج سے ابتدائی اور ثانوی تعلیم حاصل کی، وہ اس تعلیمی ادارے میں ہیڈ پریفیکٹ تھیں۔[8][9][10][11]

گریجوایشن کے بعد کیری نے سماجی کام میں تعلیم حاصل کرنے کے لیے ہانگ کانگ یونیورسٹی میں داخلہ لیا۔[8] وہ ایکسچینج پروگرام کے تحت چینہوا یونیورسٹی بھی گئیں۔[6][5] معاشرے کو بہتر انداز سے سمجھنے اور طلبہ سرگرمیوں میں مزید مؤثر انداز سے حصہ لینے کے لیے، انہوں نے اپنا کورس سماجی کام سے بدل کر عمرانیات کر لیا۔[10][8] کیری لام نے آخرکار سنہ 1980ء میں سماجی علوم میں بیچلر کی ڈگری حاصل کر لی۔[12][13]

سنہ 1982ء میں کیمبرج یونیورسٹی سے پڑھنے کے لیے حکومتِ تائیوان نے انہیں فنڈ دیا، اسی یونیورسٹی میں مستقبل کے شوہر ریاضی دان لام سیو پور سے ان کی ملاقات ہوئی۔[14]

حوالہ جات
  1. http://www.xinhuanet.com/politics/2017-04/11/c_1120788125.htm
  2. Munzinger person ID: https://www.munzinger.de/search/go/document.jsp?id=00000031028 — بنام: Carrie Lam — اخذ شدہ بتاریخ: 9 اکتوبر 2017
  3. 林鄭月娥指香港多方面成績是一代代人努力得來 — سے آرکائیو اصل فی 29 جنوری 2017 — ناشر: Radio Television Hong Kong — شائع شدہ از: 27 اپریل 2016
  4. "Hong Kong chooses first woman head"۔ دی ہندو۔ 26 مارچ 2017۔ مورخہ 7 جنوری 2019 کو اصل سے آرکائیو شدہ۔
  5. "林鄭由住板間房到進軍禮賓府　仕途兩度「轉線」鋪排今日攀峰之路"۔ HK01۔ 12 جنوری 2017۔ مورخہ 7 جنوری 2019 کو اصل سے آرکائیو شدہ۔ (روایتی چینی)
  6. "The tough side of nanny carrie"۔ دی اسٹینڈرڈ۔ 13 جنوری 2017۔ مورخہ 7 جنوری 2019 کو اصل سے آرکائیو شدہ۔
  7. "HK Tramways grows with time"۔ news.gov.hk۔ ہانگ کانگ حکومت۔ 18 جولائی 2014۔ مورخہ 7 جنوری 2019 کو اصل سے آرکائیو شدہ۔ اخذ شدہ بتاریخ 3 اکتوبر 2014۔ Lam stated in a speech "To those who were born and brought up in Hong Kong like me"
  8. "Lam bares the `bad records' in her life"۔ دی اسٹینڈرڈ۔ ہانگ کانگ۔ 3 مئی 2016۔ مورخہ 7 جنوری 2019 کو اصل سے آرکائیو شدہ۔ اخذ شدہ بتاریخ 3 مئی 2016۔
  9. "Wan Chai: Evolution of a District"۔ کورنر اسٹون۔ سوائر پراپرٹیز۔ 2013۔ مورخہ 7 جنوری 2019 کو اصل سے آرکائیو شدہ۔
  10. "Hong Kong protests: 8 things you might not know about Carrie Lam, Hong Kong's Chief Secretary"۔ دی اسٹریٹس ٹائمز۔ سنگاپور۔ 3 اکتوبر 2014۔ مورخہ 7 جنوری 2019 کو اصل سے آرکائیو شدہ۔ اخذ شدہ بتاریخ 3 اکتوبر 2014۔
  11. "Carrie Lam: I need my husband to lean on"۔ ساؤتھ چائنا مارننگ پوسٹ۔ 21 اکتوبر 2013۔ مورخہ 7 جنوری 2019 کو اصل سے آرکائیو شدہ۔
  12. اینڈریو ہو (15 جنوری 2013)۔ "The SAR's Superlady" (پی‌ڈی‌ایف)۔ دی اسٹینڈرڈ۔ ہانگ کانگ۔ صفحات 6–7۔ مورخہ 6 اکتوبر 2014 کو اصل (پی‌ڈی‌ایف) سے آرکائیو شدہ۔ اخذ شدہ بتاریخ 3 اکتوبر 2014۔
  13. "港下屆特首熱選林鄭月娥 形象「好打得」"۔ سینٹرل نیوز ایجنسی تائیوان۔ تائیوان۔ 10 دسمبر 2016۔ مورخہ 7 جنوری 2019 کو اصل سے آرکائیو شدہ۔ اخذ شدہ بتاریخ 10 دسمبر 2016۔ (روایتی چینی)
  14. ایلسن ٹونگ (2 اپریل 2017)۔ "Carrie Lam and the Civil Service Part I: Not a typical official"۔ ہانگ کانگ فری پریس۔ مورخہ 7 جنوری 2019 کو اصل سے آرکائیو شدہ۔ اخذ شدہ بتاریخ 3 اپریل 2017۔
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.