வடக்குத் தீவு

வடக்குத் தீவு (North Island) அல்லது தெ இகா-அ-மாவுய் (Te Ika-a-Māui) என்பது நியூசிலாந்தில் உள்ள முக்கிய இரண்டு தீவுகளில் ஒன்றாகும். இத்தீவை விடப் பெரியதும், ஆனால் மக்கள்தொகை சிறியதுமான தெற்குத் தீவை குக் நீரிணையால் இது பிரிக்கிறது. வடக்குத் தீவின் பரப்பளவு 113,729 சதுர கிலோமீட்டர்கள் (43,911 sq mi) ஆகும்.[1] இது உலகின் 14வது பெரிய தீவு ஆகும். இங்குள்ள மக்கள்தொகை 3,422,000 (சூன் 2013) ஆகும். நியூசிலாந்தின் 77% மக்கள் இத்தீவிலேயே வாழ்கின்றனர். நியூசிலாந்தின் மிகப் பெரிய நகரம் ஆக்லாந்து, மற்றும் தலைநகர் வெலிங்டன் ஆகியன இங்கு அமைந்துள்ளன.

வடக்குத் தீவின் நிலவரை
வடக்குத் தீவு
North Island
தெ இகா-அ-மாவுய் (மாவோரி)
வடக்குத் தீவின் செய்மதிப் படிமம்
புவியியல்
அமைவிடம்ஓசியானியா
ஆள்கூறுகள்38°24′S 175°43′E
தீவுக்கூட்டம்நியூசிலாந்து
பரப்பளவு113,729 km2 (43,911 sq mi)
பரப்பளவின்படி, தரவரிசை14வது
உயர்ந்த ஏற்றம்2,797
உயர்ந்த புள்ளிருவாப்பேகு மலை
நிர்வாகம்
நியூசிலாந்து
ISO 3166-2:NZNZ-N
மண்டலங்கள்9
பிராந்திய அதிகாரங்கள்43
பெரிய குடியிருப்புஆக்லன்ட்

பல ஆண்டுகளாக இத்தீவு வடக்குத் தீவு என அழைக்கப்பட்டு வந்திருந்தாலும், தெற்குத் தீவைப் போன்று இதற்கும் அதிகாரப்பூர்வமான பெயர் இருக்கவில்லை என 2009 ஆம் ஆண்டில் நியூசிலாந்தின் புவியியல் வாரியம் அறிந்தது.[2] பொதுக் கருத்துக்கணிப்பு ஒன்று நடத்தப்பட்டு, 2013 அக்டோபரில் இதற்கு அதிகாரப்பூர்வமாக வடக்குத் தீவு (அல்லது தெ இகா-அ-மாவுய்) எனப் பெயரிடப்பட்டது.[3]

மேற்கோள்கள்
  1. "Quick Facts - Land and Environment : Geography - Physical Features". Statistics New Zealand (2000). பார்த்த நாள் 13 ஆகத்து 2012.
  2. "The New Zealand Geographic Board Considers North and South Island Names". Land Information New Zealand (21 April 2009). பார்த்த நாள் 28 நவம்பர் 2012.
  3. "Two official options for NZ island names". NZ Herald. 10 அக்டோபர் 2013. http://www.nzherald.co.nz/nz/news/article.cfm?c_id=1&objectid=11138153.

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.