ரோல்டைட்டு

ரோல்டைட்டு (Roaldite) என்பது ((Fe,Ni)₄N) என்ற மூலக்கூற்று வாய்ப்பாட்டால் விவரிக்கப்படும் ஓர் உலோகக் கனிமம் ஆகும். விண்வீழ்கல்லாகக் கருதப்படும் இவ்வகைக்க் கனிமத்தில் இரும்பு, நிக்கல், நைட்ரசன் போன்ற தனிமங்கள் கலந்து காணப்படுகின்றன.

1981 ஆம் ஆண்டு மேற்கு ஆசுத்திரேலியாவில் கிடைத்த விண்வீழ்கல்லில் ரோல்டைட்டு முதன் முதலாகக் கண்டறியப்பட்டது. டென்மார்க் நாட்டைச் சேர்ந்த ரோல்டு நார்பேச்சு நீல்சன் (1928) என்ற மின்னணு நுண்ணாய்வி வல்லுநர் நினைவாக கனிமத்திற்கு ரோல்டைட்டு என்ற பெயர் சூட்டப்பட்டது. டென்மார்க் நாட்டில் காணப்பட்ட யெர்சுலெவ் விண்கல்லிலும், அமெரிக்காவின் அரிசோனா மாநிலத்தில் காணப்பட்ட விண்வீழ் பள்ளத்திலும் இக்கனிமம் காணப்படுவதாக கூறப்படுகிறது.