மத்தல ராஜபக்ச பன்னாட்டு வானூர்தி நிலையம்

மத்தல ராஜபக்ச பன்னாட்டு வானூர்தி நிலையம் (Mattala Rajapaksa International Airport) இலங்கையின் இரண்டாவது பன்னாட்டு வானூர்தி நிலையமாகும். இது அம்பாந்தோட்டை பன்னாட்டு விமான நிலையம் எனவும் அழைக்கப்படுகிறது.[1] தென்னிலங்கையில் அம்பாந்தோட்டை நகரில் நிர்மாணிக்கப்பட்டுள்ள குறித்த வானூர்தி நிலையத்தின் கட்டுமானப் பணிகள் 2009ஆம் ஆண்டு நவம்பர் 27ஆம் திகதி ஆரம்பிக்கப்பட்டது. அம்பாந்தோட்டையில் புகழ்பெற்ற ராசபக்ச குடும்பத்தின் நினைவாக இவ்வானூர்தி நிலையத்திற்கு இப்பெயர் சூட்டப்பட்டது.

மத்தல ராஜபக்ச பன்னாட்டு வானூர்தி நிலையம் මත්තල රාජපක්ෂ ජාත්‍යන්තර ගුවන්තොටුපළ Mattala Rajapaksa International Airport
ஐஏடிஏ: HRI – ஐசிஏஓ: VCRI HRI இலங்கையில் வானூர்தி நிலையத்தின் அமைவிடம்
சுருக்கமான விபரம்
வானூர்தி நிலைய வகை		பொது
உரிமையாளர்		இலங்கை அரசு
இயக்குனர்		Airport and Aviation Services (Sri Lanka) Ltd
சேவை புரிவது		அம்பாந்தோட்டை
அமைவிடம்		மத்தல, அம்பாந்தோட்டை, இலங்கை
மையம்		சினமன் ஏர் எக்ஸ்போ ஏர் லங்கன் கார்கோ மிஹின் லங்கா சிறீலங்கன் எயர்லைன்ஸ்
ஆள்கூறுகள்		06°17′24″N 81°07′01.2″E
இணையத்தளம்		www.mria.lk
ஓடுபாதைகள்
திசை	நீளம்		மேற்பரப்பு
	மீ	அடி
05/23	3	11,483	அஸ்பால்டு

இது ஆரம்பத்தில் தென்னிலங்கை மக்களுக்காக வீரவில என்ற இடத்தில் கட்டப்படவிருந்தது. ஆனாலும், சுற்றுச்சூழலைக் கருத்தில் கொண்டு இத்திட்டம் கைவிடப்பட்டு அம்பாந்தோட்டையின் வடக்கே 15 கிமீ தொலைவில் உள்ள மத்தல என்ற இடத்தில் அமைக்கப்பட்டது. $209 மில்லியன் செலவில்[2] முதலாவது கட்டம் நவம்பர் 2009 இல் ஆரம்பிக்கப்பட்டது. 2013 மார்ச் 18இல் இலங்கையின் அரசுத்தலைவர் மகிந்த ராசபக்சவினால் இது அதிகாரபூர்வமாகத் திறந்து வைக்கப்பட்டது.[3]