மதன மோகினி

திரைப்படத்துக்கு இசையமைத்தவர் கே. வி. மகாதேவன். பாடல்களை எம். பி. சிவம் இயற்றினார். பின்னணி பாடகர்கள் ஏ. பி. கோமளா, என். எல். கானசரஸ்வதி, கே. வி. மகாதேவன், ஜிக்கி, ஜி. கஸ்தூரி, பி. லீலா, கே. ஆர். லட்சுமி, ஏ. எம். அப்பாதுரை ஆகியோர்.[2]

கடவுளை நம்பாத ஒரு ராஜாவிற்கு, ஒரு மகனும் மதனா , மோகினி என்ற இரண்டு மருமகளும் உள்ளனர். மருமகள்கள் மிகவும் பக்தியுள்ளவர்கள். அவர்களில் ஒருத்தி, மதனா மிகுந்த பக்தியுடன் பிரார்த்தனையிலும் ஈடுபடுகிறாள். ஆனால் ராஜா அதை விரும்பவில்லை. மதனா தன்னை ஒரு ஆண் போல வேடமிட்டு சுற்றித் திரிபவள். எனவே ஒரு சமயம் அரண்மனையிலிருந்து வெளியேறி, ஒரு கொள்ளைக்கார கும்பலோடு இணைகிறாள். அவர்கள் ராபின் ஹூட் போன்று செல்வந்தர்களிடமிருந்து கொள்ளையடித்து ஏழைகளுக்கு வழங்கி உதவுகிறார்கள். இளவரசர், மாறுவேடத்தில், மதனாவை சந்தித்து, அரண்மனையின் உள்ள 3 விலைமதிப்பற்ற கற்கள் வைத்திருக்கும் ஒரு அறையின் ரகசிய வழியை அவர் அறிந்துள்ளதாக கூறுகிறார். அவர்கள் ஒன்றிணைந்து ஒரே ஒரு விலைமதிப்பற்ற கல்லை மட்டும் எடுக்கிறார்கள். ஆனால் இருவரும் கண்டுபிடிக்கப்பட்டு கைது செய்யப்படுகின்றனர். உண்மையில் அவர்கள் யார் என்பதை அறிய அங்கே அரசன் வருகிறான். மோகினியை இளவரசனுக்கு திருமணம் செய்து வைக்க நினைக்கிறார். ஆனால் தனது மகன், மதனாவை திருமணம் செய்து கொள்ள விரும்புவதாக தெரிந்து கொள்கிறார். பல திருப்பங்களுக்கு இறுதியாக இளவரசன் மற்றும் மதனா இருவரும் இணைகிறார்கள்.

தி இந்து நாளிதழில் வெளிவந்த தகவலை அடிப்படையாகக் கொண்டது.

இப்பட்டியல் பிலிம் நியூஸ் ஆனந்தன் அவர்களின் தகவல் தொகுப்பிலிருந்து பெறப்பட்டது.

• இயக்கம்: எம். எல். பதி
• கதை: கயற்கண்ணழகன்
• வசனம்: எம். வி . சிவம், கே. வி பார்த்தசாரதி
• ஒளிப்பதிவு: பிரபாகர்
• படத்தொகுப்பு: சி. ராஜம்
• சண்டை: வி. எம். புருசோத்தம நாயுடு, விட்டல்.
• படபிடிப்பு: சிட்டாடல்

சென்னையைச் சேர்ந்த வங்க மொழித் திரைப்பட பிரபலம் ஜ்யோதி சின்கா என்பவரின் ஆலோசனையின் பேரில் படமாக்கப்பட்டது.