பொன்முடி

பொன்முடி 1950 ஆம் ஆண்டு வெளிவந்த தமிழ்த் திரைப்படமாகும். எல்லிஸ் டங்கன் இயக்கத்தில் வெளிவந்த இத்திரைப்படத்தில் பி. வி. நரசிம்ம பாரதி, ஆர். பாலசுப்பிரமணியம் மற்றும் பலரும் நடித்திருந்தனர்.[1] இப்படத்தின் கதையானது கவிஞர் பாரதிதாசனின் எதிர்பாரத முத்தம் என்னும் குறுங் காப்பியத்தைத் தழுவியது.[2] எடுத்தவரை படத்தைப் போட்டுப்பார்த்த படத்தயாரிப்பாளர் டி. ஆர். சுந்தரத்துக்குத் திருப்தியில்லாததால். படத்தில் இன்னும் கொஞ்சம் கதையைச் சேர்க்க முடிவுசெய்தார். அதையடுத்து படத்தின் பின்பகுதியில் கூடுதல் கதையை மு. கருணாநிதியைக் கொண்டு எழுதவைத்து படமாக்கி வெளியிட்டார்.[3] இது ஒரு வெற்றிப்படமாக ஆனது.