பிலானி

பிலானி நகரம், ஜெய்ப்பூரிலிருந்து 208 கிலோ மீட்டர் தொலைவிலும், தில்லியிலிருந்து 193 கிலோ மீட்டர் தொலைவிலும் உள்ளது. அருகில் உள்ள தொடருந்து நிலையங்கள் சிராவா[1] மற்றும் லோகரு[2] ஆகும்.

2011-ஆம் ஆண்டின் மக்கட்தொகை கணக்கெடுப்பின் படி, பிலானி நகரத்தின் மக்கள் தொகை 29,741 ஆகும். அதில் ஆண்கள் 15,291 (51%) ஆகவும்; பெண்கள் 14,450 (49%) ஆகவும் உள்ளனர். சராசரி எழுத்தறிவு 72% ஆகும். அதில் ஆண்களின் எழுத்தறிவு 80% ஆகவும்; பெண்களின் எழுத்தறிவு 63% ஆகவும் உள்ளது. மக்கள் தொகையில் ஆறு வயதிற்குட்பட்டவர்கள் 3422 {11.51%) ஆகவுள்ளனர்.[3] பிலானி நகரத்தின் மொத்த மக்கள் தொகையில் இந்துக்கள் 92.21%; இசுலாமியர்கள் 7.61%; மற்றவர்கள் 0.19% ஆக உள்ளனர். பிலானி நகரத்தை நிர்வகிக்க 25 உறுப்பினர்கள் கொண்ட நகராட்சி மன்றம் செயல்படுகிறது.

பிர்லா தொழில்நுட்பம் மற்றும் அறிவியல் கழகம், 1979

• பிலானியில் உள்ள இந்தியாவின் பெருமை மிகு பிர்லா தொழில்நுட்பம் மற்றும் அறிவியல் கழகம், 1964-இல் நிகர்நிலை பல்கலைக்கழகத் தகுதி பெற்றது. [4]

• அறிவியல் மற்றும் தொழிலக ஆய்வு மன்றத்தின் உயர் மின்னணுவியல் மத்திய ஆராய்ச்சி நிலையம் செயல்படுகிறது. [5]
• ஜி டி பிர்லா நினைவு பல்தொழில் பயிற்சிப்பள்ளியும், பி கே. பிர்லா பொறியியல் மற்றும் தொழில் நுட்ப கல்லூரியும் உள்ளது.
• பிர்லா உயர்நிலப் பள்ளி, பிர்லா பன்னாட்டுப் பள்ளி, பிர்லா பாலிகா வித்தியாபீடமும் உள்ளது.
• பிலானியில் ஸ்ரீதர் பல்கலைக் கழகம் 2009-ஆம் ஆண்டு முதல் செயல்படுகிறது.

பிலானியில் மார்ச் இறுதி முதல் சூன் மாதம் முடிய கடும் வெப்பமும், வறண்ட வானிலையும் காணப்படுகிறது. சூலை, ஆகஸ்டு மற்றும் செப்டம்பர் முற்பகுதி வரை பருவ மழை பொழிகிறது. அக்டோபர் இறுதி முதல் மார்ச் மாதம் முற்பகுதி வரையில் கடுங்குளிரும், வறண்ட வானிலையும் காணப்படுகிறது.