பிப்ளிஸ்

இச்செடிகள் மேற்கு ஆஸ்திரேலியாவில் மணல் நிறைந்த ஈரமான சதுப்பு நிலங்களில் வளர்கின்றன. இது ஒரு சிறிய புதர்ச் செடியாகும். இது 30 முதல் 50 செ. மீ. உயரம் வரை வளர்கிறது. இதன் அடிப்பகுதியில் கட்டை போன்று மட்டத்தண்டு கிழங்கு உள்ளது. இதன் தண்டுப் பகுதியிலிருந்து பல கிளைகளும், அதில் மிக மெல்லிய நூல் போன்ற இலைகள் 10-20 செ. மீ நீளம் வரை உள்ளன. இலை முழுவதும் பசையைச் சுரக்கக் கூடிய சுரப்பிகள் உள்ளன. இதிலிருந்து பிசுபிசுப்பான பாகு போன்ற பசை சுரக்கிறது. இதனால் கவரப்பட்ட பூச்சிகள் இந்தப் பசையில் பிடிக்கப்பட்டு பின்னர் செரிக்கப்படுகிறது. இதில் பெரிய ஊதா- சிவப்புப் பூக்கள் மலர்கின்றன.

லினிபோலியா விதைகள்

இது மேற்கு ஆஸ்திரேலியாவில் வளர்கிறது. இது ஒரு நிறிய செடியாகும். இதன் இலைகள் மெல்லியதாகவும், நூல் போன்றும் இருக்கும். 6 முதல் 8 செ. மீ. நீளம் வரை இதன் இலைகள் வளர்கிறது. இதன் சுரப்பிகள் இலை முழுவதும் நெருக்கமாக உள்ளன. அவை தேன் போன்ற பொருளை சுரக்கின்றன. இதன் செடியில் வெண்மை நிறப் பூக்கள் பூக்கின்றன.

ஏற்காடு இளங்கோ எழுதிய அதிசயத் தாவரங்கள். அறிவியல் வெளியீடு. மார்ச்சு-2004