நெய்தற்கலி

(குறிப்பு – எண்கள் நெய்தற்கலி வரிசை எண்களைக் குறிப்பன)

இரங்கல்

• உள்ளில் உள்ளம் உள்ளுள் உவக்கும் 1
• மாலை மகளிர் உயிர்ப்பொதி அவிழ்க்கும் 2
• மாலையில் சான்றவர் கந்தாதல் களைந்தார் 3
• சாயினள் வருந்தாமல் இருக்க ஊரறியத் தேரில் வருக 4
• நாம் காம நோயில் வருந்த நெஞ்சம் அவரிடம் மகிழ்ந்திருப்பது நகைப்பிற்கு இடமானது. 5
• கடலலை போல நெஞ்சம் அவரிடம் போய்வருகிறது. 6
• தெய்வப்பெயரால் தெளிவித்த்தைக் காப்பாற்று. 7
• உறவுக்கு நெஞ்சு அல்லாமல் வேறு கரி (சாட்சி) இல்லை 8
• இனையும் என் தோழி புதுநலம் பெற நின் தேரைப் பூட்டுக. 9
• அலை அடுப்பம்பூவுக்கு அளி செய்வது போல் நீ இவளுக்கு அளி செய். 10
• கனவில் வந்தவன் நனவில் வரவேண்டும். 11
• மருத்துவன் வஞ்சம் செய்வது போல் ஏமாற்ற வேண்டா. 12

உறவு

• தலைவன் தொடுவுழி தொடுவுழி தலைவி பசலை நீங்கிற்று. 13
• கடல் தெய்வம் காட்டி தெளிவித்தவன் அவள் ஆடும் ஊஞ்சலை ஆட்டினான். 14

வேண்டல்

• வழிபடு தெய்வம் போல் காப்பாற்று. 15
• பாலுண்டவர் பாத்திரத்தை வீசுவது போல் இவளை உண்டபின் விட்டுவிடாதே 16
• மாலை நிலநடுக்கம் போல வருத்துகிறது 17
• வாய்மைக்கண் வஞ்சம் வேண்டா 18
• பாண்டியம் நல்லாட்சி செய்வான் பொருள்நலம் போல இவள் நலம் பெறத் தேரில் வருக. 19
• இன்னுயிர் போத்தரும் போக்கும் மருத்துவர் ஆகாதே. 20

மடலூர்தல்

• பாங்கர், சான்றோர், கண்டார், ஆகிய வாயில்களிடம் தான் மடலேறிப் பெற்ற பாங்கைத் தலைவன் கூறுகிறான். 21, 22, 23
• மடலூர்ந்து வந்தவனுக்குப் பெற்றோர் மணம் முடித்து வைக்கின்றனர். 24
• உரையாடல் பாடல்கள் 25, 26, 27, 28, 29, 30

ஆற்றுவித்தல்

• தலைவி வருத்தத்தைக் கண்டார் கூறியது 31,
• தோழி தலைவியை ஆற்றுவிக்கும் பாடல்கள் 32, 33

இந்தக் கலியில் வரும் உவமைகளில் சில:

• திருமால் கையில் மாபலி நீரூற்றுவது போல் தாழம்பூ வளைந்த்து 16
• வழிபடு தெய்வம் அணங்கு ஆகியது போல் தலைவியை வருத்தாதே 15
• நாரை முக்கோல் அந்தணர் முதுமொழி நினைவார் போல் எக்கர் மேல் இறை கொள்ளும் 9
• அருளரசனுக்குப் பின் அறநெறி இல்லாதவன் ஆள்வது போல் காலைக்குப் பின் மாலை ஆள்கிறது 12

• நிலநடுக்கம் [1]
• மூவேந்தர் முரசு [2]
• மாலையில் அந்தணர் தீ வளர்த்தல் [3]
• அன்னத்தூவி மெத்தை [4]
• தலைவன் பிரிந்திருக்கும் காலத்தில் தலைவி பொட்டு வைத்துக்கொள்ளமாட்டாள்.[5]

• சிவன் கொன்றை மாலை சூடியது, மூன்று எயில்களை எரித்தது, காளைமேல் வந்தது, கங்கையைத் தலையில் அடக்கியது, பிறை அணிந்தது, ஆதிரையில் பிறந்தது, காமனை எரித்தது முதலான செய்திகள் ஒரே பாடலில் கூறப்பட்டுள்ளன. 33
• மாயவன் மார்பில் திருமகள் 28