தன்னார்வத் தமிழ் இணையத் திட்டங்கள்

நேரடி சமூக சேவை (சனசமூக நிலையம்), ஆபத்துதவி (தமிழர் புனர்வாழ்வுக் கழகம்), தமிழ் மொழி வளர்ச்சி என பல்வேறு நோக்குகளுடன் தமிழ்ச் சூழலில் தன்னார்வலர் திட்டங்களும் அவற்றை செயற்படுத்தும் அமைப்புகளும் இயங்கி வருகின்றன. தற்போது இவற்றுக்கிடையே synergy குறைவு, இருப்பினும் ஆங்காங்கே சில முயற்சிகள் உள்ளன.

அண்மைக் காலத்தில் ஏற்பட்ட தகவல் தொடபாடல் இணையப் புரட்சி தொழிற்துறை உற்பத்தி முறைகளை பெரிதும் மாற்றியமைத்திருக்கிறது. முன்னர் பெரும் நிறுவனங்களே நாளிதழ் நூல்கள் வெளியிடுவதோ, இசை ஆக்குவதோ, இயங்குபடம் ஆக்குவதோ, மென்பொருள் ஆக்குவதோ, ஆராய்ச்சி செய்வதோ சாத்தியமாக இருந்தது. புரட்சிக்குப் பின்னர் பலர் கூட்டாகச் சிறுகச் சிறுகப் பங்களித்து ஒரு பெரும் திட்டத்தை முன்னெடுப்பது சாத்தியமாகியது.