கொங்கணி வர்மன்

கி.பி.நான்காம் நூற்றாண்டின் மத்தியில் கர்நாடகப் பகுதியில் இச்சுவாகு மரபின் இளவரசர்களான திட்டிகன் என்னும் கொங்கணிவர்மன் மாதவன் என்ற இருவரால் சிம்மநந்தி என்னும் சமண ஆச்சாரியார் ஆசியுடனும் உதவியுடனும் கங்கமரபு அரசு நிறுவப்பட்டது.

கதையின்படி கங்கநாட்டை ஆரம்பத்தில் ஆண்டதாகக் கூறியிருக்கும் ரெட்டி வம்ச அரசர்கள் போலவே இவனும் ஸ்கந்தபுரத்தை தலைநகராகக் கொண்டு நீதி நெறி தவறாது ஆட்சி செய்தார் எனவும், பல தேச மன்னர்களை வென்று அவர்களிடமிருந்து கப்பம் பெற்று ஆட்சி செய்தார் எனவும், அறியமுடிகிறது.[2]

கங்கை குலத்திலே பிறந்த கொங்கணி வர்மன் சிறந்த அரசாட்சி நடத்தியதால் ஸ்ரீமது, தர்ம மகாதிராயன் என பட்டங்கள் பெற்றான் என்கிறது கொங்கு தேச ராஜாக்கள் கையேட்டுப் பிரதி.[1]

கங்க அரசை நிறுவிய காலத்தில் தற்கால கர்நாடக மாநிலம் கோலார் பகுதியை ஆண்டுவந்த பாணர்களைக் கொங்கணிவர்மன் வென்றான்.[3]