கருவுறலும் ஈனுதலும்

உயிரியலிலும் மாந்த மருத்துவத்திலும் கருவுறலும் ஈனலும் (gravidity and parity) என்ற இந்த இரண்டு சொற்களும் பெண்ணொருவருக்கு எத்தனை முறை கருவுற்றார் (gravidity) என்பதையும் எத்தனை முறை நிலைத்த கரு ஆயுட்காலம் எட்டிய கருத்தரித்தல்களையும் (parity) குறிக்கின்றன.[1] இந்தச் சொற்கள் இணைந்தே வழங்கப்படுகின்றன; சிலநேரங்களில் பெண்ணின் மகப்பேறு வரலாறு குறித்த கூடுதல் தகவல்களைத் தரக்கூடிய சொற்களும் சேர்க்கப்படுகின்றன.[2] இந்தச் சொற்களைப் பயன்படுத்தும்போது:

  • கருவுறல் (Gravida) பெண் கருவுற்ற எண்ணிக்கையைக் குறிக்கும்; இதில் எத்தனை முழுமையடைந்தன என்பதை பொருட்படுத்தாது. தற்போதையக் கருவுறலும் கணக்கில் கொள்ளப்படும்.
  • ஈனல் (Parity), அல்லது "பாரா" 20-வாரங்களுக்கு மேலானப் (ஐக்கிய இராச்சியத்தில் >24) பிறப்புக்களின் எண்ணிக்கையைக் குறிக்கும் (இதில் நிலைத்த மற்றும் நிலையற்ற சாப்பிள்ளையும் அடங்கும்) இரட்டை, மூன்று போன்று பல்லெண்ணிக்கை கருத்தருத்தல்கள் ஒன்று என்றே கணக்கில் எடுத்துக் கொள்ளப்படும்.
  • கருக்கலைப்பு (Abortus) எக்காரணம் கொண்டும் கருக்கலைந்த எண்ணிக்கையைக் குறிக்கும்; இதில் தூண்டப்பட்ட கருக்கலைப்புகளும் கருச்சிதைவுகளும் சேர்க்கப்படுகின்றன. சில நேரங்களில் எந்தக் கருவும் இழக்கப்படவில்லை எனில் இச்சொல் பயன்படுத்தப்படாது. சாப்பிள்ளைகள் இந்தக் கணக்கில் எடுத்துக் கொள்ளப்படுவதில்லை.

மேற்சான்றுகள்
  1. Borton, Chloe (November 12, 2009). "Gravidity and Parity Definitions (and their Implications in Risk Assessment)". Patient.info. பார்த்த நாள் June 26, 2013.
  2. Creinin, MD; Simhan, HN (Mar 2009). "Can we communicate gravidity and parity better?". Obstetrics and gynecology 113 (3): 709–11. doi:10.1097/AOG.0b013e3181988f8f. பப்மெட்:19300338.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.