ஊக்கம்

ஊக்கம் அல்லது தன்முனைப்பாற்றல் (Motivation) என்பது மக்களின் செயல்கள், ஆசைகள் மற்றும் தேவைகளுக்குக் காரணமாக அமைவதாகும். இதுவே ஒருவரின் செயலுக்கான வழியும், ஒருவர் ஒரு செயலைத் திரும்பச் திரும்பச் செய்வதற்கான காரணமும் ஆகும். உணர்வு நிலைக் காரணிகள் மற்றும் தன்னையறியாமல் இருக்கும் உள்மன நிலைக் காரணிகள் ஆகிய இரண்டிற்கும் இடையிலான ஒருங்கிணைந்த விளைவாகவே ஊக்கம் இருக்கின்றது.

ஒரு நபர் முன்னோக்கிச் செல்ல ஊக்குவிப்பதில் இது ஒரு மிக முக்கியக் காரணமாகக் கருதப்படுகிறது.[1] ஊக்கத்தைப் பெறுவதன் மூலம் நீடித்த மற்றும் திட்டமிட்ட பயிற்சியை செய்வது என்பது உயர்தர சாதனைகளின் (எ.கா. விளையாட்டு, மருத்துவம் மற்றும் இசை உலகில்) மையம் ஆகும்.[2] ஊக்கம் என்பது ஒரு நடத்தையை விளக்க பயன்படுத்தப்படும் ஒரு கட்டமைப்பு எனவும் கொள்ளலாம். ஒரு குறிப்பிட்ட முறையில் ஒரு நபர் செயல்படுவதற்கு இதுவே காரணமாகின்றது.

ஒருவர் திருப்தியடைவதற்கான தேவையே ஊக்கம் ஆகின்றது. இந்தத் தேவைகள் சமூகம், வாழ்க்கை முறை, கலாச்சாரம் போன்றவற்றினால் ஏற்படுவதாகவோ, அல்லது இயல்பாகவே தோன்றியதாகவோ இருக்கலாம். ஒரு தனி நபருக்குக் கொடுக்கப்படும் ஊக்கம் மற்றவர்களாலோ, அல்லது சில நிகழ்வுகளாலோ ஏற்படலாம். அவ்வாறாயின் அது வெளிப்புற ஊக்கமாகும் (Extrinsic motivation).[3] அவ்வாறின்றி, ஒருவரின் உள்ளிருந்தே கூட ஊக்கம் கிடைக்கலாம். அது உட்புற ஊக்கமாகும் (Intrinsic motivation).[4]

மேற்கோள்கள்
  1. Jodai, Hojat; Zafarghandi, Amir Mahda Vi; Tous, Maryam Danaye (2013-01-01). "Motivation, Integrativeness, Organizational Influence, Anxiety, and English Achievement" (in en). Glottotheory 4 (2). doi:10.1524/glot.2013.0012. பன்னாட்டுத் தர தொடர் எண்:2196-6907.
  2. 1947-, Ericsson, K. Anders (Karl Anders),, Peak : secrets from the new science of expertise, பன்னாட்டுத் தரப்புத்தக எண்:9781531864880, இணையக் கணினி நூலக மையம்:961226136
  3. Ryan, Richard M.; Deci, Edward L. (2000). "Intrinsic and Extrinsic Motivations: Classic Definitions and New Directions". Contemporary Educational Psychology 25 (1): 54–67. doi:10.1006/ceps.1999.1020. பப்மெட்:10620381.
  4. Ryan, Richard M.; Deci, Edward L. (2000). "Self-determination theory and the facilitation of intrinsic motivation, social development, and well-being". American Psychologist 55 (1): 68–78. doi:10.1037/0003-066X.55.1.68.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.