உருப்படிம மொழி

கிறிஸ்தோபர் அலெக்சாண்டர் என்னும் கட்டடக்கலைஞர் முதன் முதலாக உருப்படிம மொழி என்பதற்கு இணையான pattern language எனும் சொல்லைப் பயன்படுத்தினார். இக் கருத்துருவைக் குடிசார் பொறியியல் (Civil Engineering) மற்றும் கட்டிடக்கலை தொடர்பான பிரச்சினைகளுக்குத் தீர்வு காணும் வழிமுறைகளில் அவர் பயன்படுத்தினார். எவ்வாறு நகரங்களை அமைப்பது என்பதிலிருந்து, ஒரு அறையில் சாளரத்தை எவ்விடத்தில் அமைக்கவேண்டும் என்பது வரையான பலவகைப்பட்ட பிரச்சினைகளில் இக்கருத்துருவைப் பயன்படுத்த முடியுமென அவர் வாதிட்டார். அவர் எழுதிய A Pattern Language என்னும் புத்தகம் மூலம் மேற்படி கருத்துவை அவர் அறிமுகப்படுத்திப் பிரபலப்படுத்தினார்.

இவர் எழுதிய இன்னொரு புத்தகமான The Timeless Way of Building (காலஞ்சாராக் கட்டட வழிமுறைகள்) என்பதிலும் உருப்படிம மொழி பற்றி விளக்கியுள்ளதுடன், கட்டடங்கள், நகரங்கள் என்பவற்றின் வடிவமைப்பு, கட்டுமானம் என்பவற்றில் இது எவ்வாறு பயன்படக்கூடும் என்பதையும் விளக்கியுள்ளார். எனினும் இது கட்டிடத் துறைகளில் மட்டுமன்றி கணினித் துறை முதலிய வேறு பல துறைகளிலும் கூடப் பயன்படுத்தப்படுகிறது.

• கட்டடம், நகரம் முதலியனவற்றின் அமைப்பு தொடர்பான உருப்படிம மொழி இணையத்தளம்
• போட்லண்ட் உருப்படிமக் களஞ்சியம் (The Portland Pattern Repository)
• வாட் கன்னிங்ஹாமின் (Ward Cunningham) உருபடிம மொழி எழுதுவதற்கான ஆலோசனைகள்
• architypes.net - கட்டிடக்கலையில் உருப்படிம மொழிக் கூட்டுத் திட்டம்
• விடுதலையளிக்கும் குரல்கள்! உருப்படிம மொழித் திட்டம்