ஈ. கிருஷ்ண ஐயர்

தமிழ்ப் பிராமணக் குடும்பத்தில் சென்னை மாகாணம் கல்லிடைக்குறிச்சியில் பிறந்தவர்.[1] இவரது பெற்றோருக்கு 14 பிள்ளைகளில் இவர் 8வது பிள்ளை. ஆரம்பக் கல்வியை அம்பாசமுத்திரம் உயர்நிலைப் பள்ளியில் பயின்று, பின்னர் சென்னை கிருத்துவக் கல்லூரியில் படித்துப் பட்டம் பெற்றார். சென்னை டாக்டர் அம்பேத்கர் அரசு சட்டக் கல்லூரியில் சட்டம் பயின்று[1] சென்னை உயர்நீதிமன்ற வழக்கறிஞராக 1943 வரை பணியாற்றினார்.

1930களில் இந்தியத் தேசியக் காங்கிரசில் இணைந்து விடுதலைப் போராட்டங்களில் பங்குபற்றினார்.[1] சுப்பிரமணிய பாரதியாரின் பாடல்களைப் பிரபலப் படுத்தினார்.