இலங்கை ஆள்கூறு

புவியியல் ஆள்கூற்று முறைகளைப் பின்பற்றி இலங்கைக்கென உருவாக்கப் பட்டதே இலங்கை ஆள்கூறு ஆகும்.

இலங்கையில் அதியுயர் மலையான பீதுறுதாலகால மலையின் உச்சியை மையப் புள்ளியாகக் (Reference Point) ஆகக் கொண்டமைக்கப்பட்டு காட்டீசியன் (இலங்கைத் தமிழ்: தெக்காட்டு) முறையில் அமைக்கப்பட்டதாகும். இவ்வமைப்பில் ஒவ்வோர் அலகும் ஒரு மீட்டர் அளவினைக்குறிக்கிறது. பீதுறுதாலகால மலையின் உச்சியை மையமாக கொள்ளாமல் (0,0), இலங்கையின் எந்தப்பாக்கத்தினதும் ஆள்கூறு நேர்(+ ஆக) பெருமானமாக வரக்கூடியதாக வசதியாகவும் (200000, 200000) என்றவாறு எடுக்கப்பட்டுள்ளது. அதாவது பீதுறுதாலகால மலையின் உச்சியில் இருந்து இலங்கையின் எந்த வொரு நிலப்பரப்பும் மேற்கிலோ, தெற்கிலோ 200கிலோ மீட்டருக்குக் குறைவான தூரத்திலேயே உள்ளது. புதிய முறையில் பீதுறுதாலகால மலையின் ஆள்கூறானது 500, 000; 500, 000 என்றவாறு பரிந்துரைக்கப்பட்ட பொழுதும் பெரும்பாலான தேசப்படங்கள் பழைய ஆள்கூற்றிலேயே இருப்பதால் பழைய ஆள்கூற்றுமுறையே பெரிதும் பின்பற்றப்படுகிறது.