இடைக்காட்டுச் சித்தர்

இடைக்காட்டுச் சித்தர்

இடைக்காடனார் என்னும் பெயருடன் சங்க காலத்தில் ஒரு புலவர் வேறு. திருவள்ளுவமாலை பாடல்களில் ஒன்றைப் பாடிய இடைக்காடனார் என்பவரும் வேறு. இங்குக் கூறப்படும் இடைக்காடனார் ஒரு சித்தர்.

இடைக்காடு என்பது இவர் வாழ்ந்த ஊர். இந்த ஊர் கேரள மாநிலத்திலுள்ள இடைக்காடு என்றும், மதுரைக்குகுக் கிழக்கில் உள்ள இடைக்காடு என்றும் இருவேறு கருத்துக்கள் உள்ளன. ஆடு, மாடு, அன்னம், மயில், குயில், புல்லாங்குழல், அறிவு, நெஞ்சம், முதலானவற்றை முன்னிறுத்திப் பாடுவதாக இவரது பாடல்கள் அமைந்துள்ளன.

• இவரது பாடல்களிலிருந்து சில தொடர்கள்

சினமென்னும் பாம்பு இறந்தால் தாண்டவக்கோனே – யாவும்

சித்தி என்று நினையேடா தாண்டவக்கோனே – பாடல் 14

தாந் திமித்திமி தந்தக் கோனாரே

தீந் திமித்திமி திந்தக் கோனாரே

ஆனந்தக் கோனாரே – அருள்

ஆனந்தக் கோனாரே

அண்ணாக்கை ஊடே அடைத்தே அமுதுண் – பாடல் 29 (யோகாசன முறை)

பாலில் சுவைபோலும் பழத்தில் மதுப்போலும்

நூலில் பொருள்போலும் நுண்பொருளைப் போற்றீரே – பாடல் 50

எள்ளில் தைலம்போல் எங்கும் நிறைபொருளை

உள்ளில் துதித்தே உணர்வடைந்து போற்றீரே – பாடல் 56

பேய்க்குரங்கு போலப் பேருலகில் இச்சைவைத்து

நாய்நரிகள் போல்அலைந்தால் நன்மைஉண்டோ கல்மனமே – பாடல் 62

இருட்டறைக்கு நல்விளக்காய் இருக்கும்உன்றன் வல்லமையை

அருள்துறையில் நிறுத்திவிளக்கு ஆக்குகநீ புல்லறிவே – பாடல் 72

கைவிளக்குக் கொண்டு கடலில் வீழ் வார்போலே

மெய்விளக்கு உன் உள்ளிருக்க வீழ்குவதேன் புல்லறிவே – பாடல் 74

கற்றூணைப் போல்மனத்தைக் காட்டு மயிலே – வரும்

காலனையும் தூரத்தில் ஓட்டுமயிலே – பாடல் 89

அப்புடனே உப்புசேர்ந்து அளவுசரி ஆனதுபோல்

ஒப்புறவே பிரம்முடன் ஒன்றிநில்லு மடவனமே (அன்னமே) –பாடல் 94

மோன நிலையில் முத்திஉண்டாம் என்றே

கானமாய் ஊதுகுழல் - கோனே

கானமாய் ஊதுகுழல் – பாடல் 98

இருவினையாம் மாடுகளை ஏகவிடு கோனே – உன்

குரங்குமன மாடொன்று அடக்கிவிடு கோனே – பாடல் 133

ஆயனராய் அவதரித்து

ஆண்டியாய் உருத்தரித்து

அபலைகளுக்கருளிய கோணார் பெருமானே!

ஓடுகின்ற நவக்கிரகங்களை

கோடு போட்டு படுக்கவைத்த

பரந்தாமனின் அவதாரமே!

மண் சிறக்க விண்சிறக்க

கடைக்கண் திறந்து காப்பீர்

இடைக்காடர் ஸ்வாமியே!

தேகசுத்தியுடன் சிறு பலகையில் மஞ்சளிட்டு மெழுகி, பக்தியுடன் கோலமிட்டு, அம்மஞ்சள் பலகையின்மேல் இடைக்காடர் சித்தரின் படத்தினை வைத்து மஞ்சள் குங்குமமிட்டு, அலங்கரிக்கப்பட்ட குத்துவிளக்கினை ஏற்றி வைத்து; முதலில இந்த சித்தரின் தியானச் செய்யுளை கண்மூடி மனமுருக கூறி பின்வரும் 16 போற்றிகளை கூறி தென்னம்பூ, மல்லிகை பூக்கள் கொண்டு அர்ச்சிப்பது.

• இடைக்காட்டுச் சித்தர் பாடல்

• சித்தர் பாடல்கள் தமிழ் இணையக்கல்விக்கழகம்
• சித்தர்கள் வரலாறு ஈகரை தமிழ் களஞ்சியம்