ஆரிகுப்ரைடு

ஆரிகுப்ரைடு (Auricupride) என்பது Cu₃Au என்ற மூலக்கூற்று வாய்ப்பாட்டைக் கொண்ட ஒரு கனிமமாகும். தாமிரம் மற்றும் தங்கம் ஆகிய உலோகங்கள் சேர்ந்து உருவாகும் இச்சேர்மம் ஓர் இயற்கையாகத் தோன்றும் கலப்புலோகமாக கருதப்படுகிறது. தேவைக்கேற்ப வளைத்துக் கொள்ளும் வகையில் மணிகளாக அல்லது தட்டுகளாக கனசதுரப் படிக அமைப்பில் இது படிகமாகிறது. சிவப்புச் சாயல் கொண்ட மஞ்சள் நிறத்தில் ஒளிபுகாத் தன்மையை ஆரிகுப்ரைடு வெளிப்படுத்துகிறது. 3.5 என்ற கடினத்தன்மை மதிப்பும் 11.5 என்ற ஒப்படர்த்தி மதிப்பையும் இது பெற்றுள்ளது[2]

ஆரிகுப்ரைடுAuricupride
ஆரிகுப்ரைடு
பொதுவானாவை
வகை	தாயகத் தனிமங்கள்
வேதி வாய்பாடு	Cu3Au
இனங்காணல்
மோலார் நிறை	387.60 கி/மோல்
நிறம்	சிவப்புச் சாயலில் மஞ்சள் நிறம்
படிக அமைப்பு	கனசதுரப் படிகங்கள்
முறிவு	வளைந்து கொடுக்கும்
மோவின் அளவுகோல் வலிமை	3 1⁄2
மிளிர்வு	உலோகத்தன்மை
கீற்றுவண்ணம்	மஞ்சள்
ஒளிஊடுருவும் தன்மை	ஒளிபுகாது
புறவூதா ஒளிர்தல்	ஒளிராது
மேற்கோள்கள்	[1][2][3][4]

மற்றொரு மாறுபட்ட வடிவமான டெட்ரா- ஆரிகுப்ரைடு என்ற கனிமமும் அறியப்படுகிறது. வெள்ளி உலோகம் இடம்பெற நேர்ந்தால் (Cu3(Au,Ag)) அர்கென்டோகுப்ரோ ஆரைடு என்ற கனிமமாக இது காணப்படுகிறது[1]

உருசியாவின் யூரல் மலைத்தொடரில் 1950 ஆம் ஆண்டில் ஆரிகுப்ரைடு கண்டுபிடிக்கப்பட்டதாக விவரிக்கப்படுகிறது. தாழ்வெப்பநிலையில் கலப்படமில்லாத செர்பென்டைனைட்டுகளாகவும், கிட்டத்தட்ட ஒடுக்க ஏற்ற சிவப்பு நிற படிவுகளாகவும் ஆரிகுப்ரைடு காணப்படுகிறது. சிலி, அர்கெந்தீனா, தாசுமேனியா, உருசியா, சைப்பிரசு, சுவிட்சர்லாந்து மற்றும் தென்னாப்பிரிக்கா. போன்ற நாடுகளில் ஆரிகுப்ரைடு காணப்படுகிறது.[2][1]