அப்துல் காதிர் முல்லா

அப்துல் காதர் முல்லா (Abdul Quader Molla, வங்காள: আবদুল কাদের মোল্লা; 14 ஆகத்து 1948[4] – 12 டிசம்பர் 2013)[3] என்பவர் வங்கதேசத்தின் அரசியல்வாதி. 1971 வங்கதேச விடுதலைப் போரின் போது போர்க்குற்றங்கள் இழைத்ததாக இவர் குற்றம் சாட்டப்பட்டு,[5] 2013 டிசம்பர் 12 இல் தூக்கிலிடப்பட்டார்.[6]. இவர் ஜமாத்-இ-இசுலாமி கட்சியின் துணைத் தலைவராக இருந்தார்.[5][7]

'த டெய்லி சங்கிரம்' என்ற பத்திரிகையின் தலைமை ஆசிரியராகவும் பணியாற்றினார். 1986 மற்றும் 1996 ஆம் ஆண்டுகளில் வங்காளதேசத் தேர்தலில் பரிதாபாத்-4 தொகுதியில் போட்டியிட்டுத் தோல்வியுற்றார். வங்கதேச விடுதலைப் போரில் 344 பொதுமக்களைக் கொன்றார் எனக் குற்றம் சாட்டப்பட்டு சிறையில் அடைக்கப்பட்டார். செப்டம்பர் 17, 2013 அன்று வங்கதேச பன்னாட்டுக் குற்றவியல் தீர்ப்பாயம் இவரைக் குற்றவாளி எனத் தீர்ப்பளித்தது.[8] ஆயுள்தண்டனை தீர்ப்பு வழங்கப்பட்டது.[9] 2013 செப்டம்பர் 17 இல் வங்கதேச உச்சநீதிமன்றம் இவரது ஆயுள்தண்டனையை தூக்குத்தண்டனையாக மாற்றித் தீர்ப்பளித்தது.[10][11] வங்காளதேச விடுதலைப் போரில் போர்க்குற்றங்களுக்காகத் தூக்கிலிடப்பட்ட முதலாவது நபர் இவராவார்.