அகரம் அறக்கட்டளை

அகரம் பவுண்டேஷன் 25 ஆம் தேதி- செப்டம்பர் மாதம் - 2006 இல் பிரபல திரைப்பட நடிகர் சூர்யா சிவகுமாரால் நிறுவப்பட்டது. 2010 இல் இந்த அமைப்பு வசதியற்ற மற்றும் திறன்கொண்ட +2 படித்த மாணவர்களுக்கு மேற்படிப்பிற்கான நிதி உதவி வழங்கி தரமான கல்வி அளிப்பதற்காக துவக்கப்பட்டது. 2012 இல் அகரம் பவுண்டேஷன் 500 க்கும் மேற்பட்ட முதல் தலைமுறை கல்லூரி மாணவர்களுக்கு ஆதரவு அளித்து அவர்களை நம் நாட்டின் பொறுப்பான குடிமக்களாக உருவாக்க அனைத்து அம்சங்களிலும் பயிற்சி அளிக்க தொடங்கியது.[2] ஏற்கனவே சூர்யாவின் தந்தை நடிகர் சிவகுமார் 1979 இல் நிறுவிய “சிவகுமார் கல்வி அறக்கட்டளை” மூலம் மேல்நிலைத் தேர்வுகளில் ஒவ்வொரு மாநிலத்திலும் அதிக மதிப்பெண் பெற்று தேர்ச்சி பெறும் ஏழை மாணவர்களுக்கு நிதி உதவி வழங்கி வருகிறார் என்பது குறிப்பிடத்தக்கது. 25 ஆண்டுகளாக அவர் செய்து வந்த சேவையை இப்போது அவரது புதல்வர்களான சூர்யா சிவகுமார் மற்றும் கார்த்தி சிவகுமார் ஆகியோர் மேற்கொண்டு வருகின்றனர்.[3] 2014 இன் பகுப்பாய்வின் படி 31,804 மாணவர்கள் விண்ணப்பித்துள்ளனர். இதிலிருந்து 970 மாணவர்கள் நிதி உதவிக்காக தேர்ந்தெடுக்கப்பட்டுள்ளனர். தமிழ்நாட்டின் பல் வேறு பகுதிகளில் இருந்து இப்பணிக்கு ஆதரவளிக்க தொழிலதிபர்கள் மற்றும் ஆயிரக்கணக்கான நிறுவனங்கள் விருப்பம் தெரிவித்துள்ளன.

சமுதாயத்தின் பின்தங்கியுள்ள பகுதிகள் மற்றும் கிராமப்புறங்களை சார்ந்த மாணவ மாணவியர்களுக்குத் தரமான கல்வியை அளிப்பதே இதன் முதன்மையான நோக்கமாகும்.

அகரம் பவுண்டேஷன் இச்சமூகத்தில் தலைநிமிரத் துடிக்கும் ஒவ்வொருவரையும் தேடிப் பிடித்து, அவர்களுக்கு கல்வி என்னும் எதிர்காலத்தை வழங்கி நம்பிக்கையை பதிய விடுகிறது. இந்த அமைப்பு மக்களின் வாழ்கை மற்றும் கல்வி மேம்பாட்டுக்காக உழைக்கிறது. வசதியற்ற மற்றும் ஆதரவு இழந்த மாணவர்களுக்கு அதிக கவனம் மற்றும் தகுந்த உதவிகள் வழங்கி முன்னேற்ற பாதைக்கு வழிகாட்ட முற்படுகிறது.

அகதிகளாக தமிழகம் வந்தடையும் இலங்கைத் தமிழ் மாணவர்கள், மேற்படிப்பை தொடர இயலாத வருத்தத்திற்குரிய நிலையை மாற்ற அகரம் பவுண்டேஷன் முற்பட்டது. அகதி மாணவர்களுக்கு அரசுக் கல்லூரிகளில் இடம் தராத நிலையில், தனியார் கல்லூரிகளில் சேர்வதற்கு அதிகமான முன்பணம் தேவைப் படுகிறது. இந்த நிலையில் , அதிக மதிப்பெண் பெற்ற திறன் மிகுந்த மாணவர்களை தனியார் கல்லூரிகளில் சேர தகுந்த நிதி உதவி வழங்கி அகரம் உதவி வருகிறது. இவ்வாறு பயனடைந்த மாணவர்கள் சிலர் தற்போது எஸ். ஆர்.எம் (S.R.M) போன்ற தனியார் கல்லூரிகளில் தங்கள் மேற்படிப்பை தொடர்ந்து வருகின்றனர்.[5]

கிராமப்புற மாணவர்களுக்கு அரசாங்க வேலைகளுக்காக தேர்வுகளுக்கு பயிற்சி அளித்தல், புகழ்பெற்ற கலைஞர்கள் மற்றும் விளையாட்டு பிரமுகர்கள் மூலம் மாணவர்கள் மத்தியில் கலை மற்றும் விளையாட்டு பற்றிய விழிப்புணர்வை ஏற்படுத்தல், சமூக சேவையில் ஈடுபடும் பிற அமைப்புக்களுடன் கைகோர்த்துச் சிறந்த கல்வி வசதிகள் வழங்க முற்படுதல் போன்ற சில திட்டங்கள் எதிர்காலத்தில் அமல்படுத்தப்படும் என்று அமைப்பினர் தெரிவித்துள்ளனர்.

• http://www.thehindu.com/news/cities/chennai/helping-students-rise-above-poverty-achieve-success/article5743878.ece
• http://www.thehindu.com/features/kids/changing-lives/article2138709.ece
• http://www.thehindu.com/news/national/tamil-nadu/sowing-the-seeds-of-hope-in-the-minds-of-needy-students/article567020.ece

1. http://www.digitalgalleryindia.com/blog/2012/08/09/free-education-support-for-children-by-agaram-foundation-india-registration-donors-volunteers/
2. http://www.supergoodmovies.com/46846/kollywood/surya-s-agaram-foundation-for-a-brighter-future-news-details
3. http://www.kollytalk.com/surya/suryas-agaram-foundation-to-provide-financial-help-for-under-priviliged-and-deserving-students-1601.html
4. http://agaram.in/objectives.html
5. http://www.thehindu.com/todays-paper/tp-national/tp-tamilnadu/education-the-only-hope-for-so-many-children/article504032.ece