2016 மாவீரர் நாள்

• யாழ் பல்கலைக்கழகத்தில் நவம்பர் 25 அன்று (இரண்டு நாட்கள் முன்னதாகவே) அஞ்சலி செலுத்தப்பட்டது. கைலாசபதி அரங்கில் மாணவர்களும், பல்கலைக்கழகப் பணியாளர்களும் மெழுகுதிரிகளை ஏற்றி நினைவுகூர்ந்தனர்.[1]
• நல்லூர் பின் வீதியில் அமைக்கப்பட்ட திலீபன் நினைவுத் தூபியில் பொதுமக்கள் சுடரேற்றி அஞ்சலி செலுத்தினர். வடமாகாணசபை உறுப்பினர் எம். கே. சிவாஜிலிங்கம் தலைமைதாங்கிய இந்த நிகழ்வில், வடமாகாண விவசாய அமைச்சர் பொ. ஐங்கரநேசன், வடமாகாணசபை உறுப்பினர் அனந்தி சசிதரன் ஆகியோர் கலந்துகொண்டனர்.[2]
• கோப்பாய் மாவீரர் துயிலும் இல்லத்தில் இலங்கை இராணுவத்தின் முகாம் அமைந்துள்ளது. எனவே மாவீரர் துயிலும் இல்லத்திற்கு முன்பாக நினைவுச் சுடரேற்றியும், மலர்களைத் தூவியும் அஞ்சலி செலுத்தப்பட்டது. வட மாகாணசபை உறுப்பினர் சிவாஜிலிங்கம் தலைமையில் முற்பகல் 11.30 மணியளவில் இந்த நிகழ்வு நடைபெற்றது.[3]
• சாட்டி எனுமிடத்திலுள்ள மாவீரர் துயிலும் இல்லத்தில் பொதுமக்கள் சுடரேற்றி அஞ்சலி செலுத்தினர். நாடாளுமன்ற உறுப்பினர் ஈ. சரவணபவன் தலைமையில், மாலை 3 மணியளவில் இந்த நிகழ்வு நடைபெற்றது.[4]

• கப்பலேந்தி மாதா ஆலயத்தில் அருட்தந்தை இம்மானுவேல் செபமாலை அடிகளார் தலைமையில் விசேட திருப்பலி ஒப்புக்கொடுக்கப்பட்டது. மாவீரர்களை நினைவுகூரும் வகையில் தீபம் ஏற்றி அஞ்சலி செலுத்தப்பட்டது.[5]
• பண்டிவிரிச்சான் மாவீரர் துயிலும் இல்லத்தில் மாவீரர்களுக்கு அஞ்சலி செலுத்தும் நிகழ்வு காலையில் நடந்தது.[6]
• ஆட்காட்டிவெளி மாவீரர் துயிலும் இல்லத்தில் அஞ்சலி செலுத்தும் நிகழ்வு நடந்தது.[7]

• கல்லறைகளை, குடும்பத்தினர் முந்தைய நாள் சுத்தப்படுத்தினர்.[8]
• கனகபுரம் துயிலும் இடத்தில், ஆயிரக்கணக்கான பொது மக்கள் ஒன்றுகூடி அஞ்சலிச் சுடர்களை ஏற்றினர்.[9]

நல்லையா வீதியில் உள்ள தமிழரசுக் கட்சியின் அலுவலகத்தில் நினைவேந்தல் நிகழ்வு நடைபெற்றது.[10]

கிழக்குப் பல்கலைக்கழகத்தில், பல்வேறு பிரிவுகளில் கற்கும் தமிழ் மாணவர்கள் ஈகைச்சுடர் நிகழ்வை நடத்தினர்.[11]

அம்பாறையில் மாவீரர் நாள் நினைவுகூரப்பட்டது.[12]

நாட்டின் வடக்கு-கிழக்குப் பகுதியில் வெளியாகும் தமிழ் நாளிதழ்களில், அவற்றின் தனிப்பட்ட நினைவுகூரல் அறிவிப்புகள் காணப்பட்டன.[13]