മുടി

മനുഷ്യരിൽ അസാധാരണ വളർച്ചയുള്ള രോമങ്ങൾ കാണപ്പെടുന്നു. ശരീരത്തിലെ തലയിലാണ് പ്രധാനമായും ഇവ കാണപ്പെടുന്നത്. ഗുഹ്യപ്രദേശങ്ങൾ, കക്ഷങ്ങൾ എന്നിവിടങ്ങളിലും കാണപ്പെടുന്നുണ്ടെങ്കിലും വളർച്ചയുടെ തോത് കുറവാണ്. പുരുഷന്മാർക്ക് താടി, മീശ എന്നിവയും കാണപ്പെടുന്നു[1].പുരുഷന്മാരിലും സ്ത്രീകളിലും മുടിയുടെ വ്യത്യതയെ ദ്വിതീയ ലിംഗ സ്വഭാവം എന്നു പറയുന്നു.[2]

മനുഷ്യന്റെ തലയിൽ ഒരു ലക്ഷത്തിലധികം രോമങ്ങൾ കാണപ്പെടുന്നു[1]. വിവിധ വംശങ്ങളിൽ ഇതിന് ഏറ്റക്കുറച്ചിലുകളും ഉണ്ട്[1]. തലമുടിയുടെ ശരാശരി വളർച്ച വർഷത്തിൽ 127 മില്ലി മീറ്ററും[1], ആയുസ്സ് ആറ് വർഷവുമാണ്[1]. മെലനിൻ മുടിക്കു കറുപ്പ്‌ നിറം .നൽകുന്നു. മുടിക്കും കണ്ണിനും ഏറെ സംരക്ഷണം വേണ്ട സമയമാണ് വേനൽക്കാലം.[3]

മൂക്കിനുള്ളിലെ രോമങ്ങൾ, ചെവിയ്ക്കുള്ളിലെ രോമങ്ങൾ, കൺപീലകൾ എന്നിവ അന്യവസ്തുക്കൾ, ചെറുപ്രാണികൾ എന്നിവയയിൽ നിന്ന് സംരക്ഷണം നൽകുന്നു.[2]

• മനുഷ്യരിൽ ഒരു മാസത്തിൽ അര ഇഞ്ചാണ് തലയിലെ മുടി വളരുന്നത്. മുടിയുടെ വളർച്ച ഒരു ദിവസത്തിൽ തന്നെ ഒരു പോലെയല്ല.
• പുരുഷന്റെ മുടിയുടെ ജീവിതകാലം മൂന്നു മുതൽ അഞ്ചുകൊല്ലം വരെയാണ്. എന്നാൽ സ്ത്രീകളിൽ ഇത് ഏഴുകൊല്ലം വരെയാണ്.
• കൺപീലികളുടെ ആയുസ് ആറുമാസമാണ്.
• പ്രായപൂർത്തിയയ പുരുഷന്റെ ത്വക്കിൽ മൂന്നു ലക്ഷം മുതൽ അഞ്ചുലക്ഷം വരെ മുടികളുണ്ട്.[2]
• താടിയാണ് മനുഷ്യശരീരത്തിൽ ഏറ്റവും കൂടുതൽ വളരുന്ന മുടി.[4]

• 
  വാർമുടി