പെരുമൺ
കേരളത്തിൽ, കൊല്ലം ജില്ലയിലെ കൊല്ലം താലൂക്കിൽ സ്ഥിതി ചെയ്യുന്ന ഒരു ഗ്രാമമാണ് പെരുമൺ. കൊല്ലം നഗരത്തിനു സമീപത്തായി സ്ഥിതി ചെയ്യുന്ന ഈ ഗ്രാമം പനയം ഗ്രാമപഞ്ചായത്തിന്റെ ഭാഗമാണ്.[1] കൊല്ലം ജംഗ്ഷൻ തീവണ്ടി നിലയത്തിൽ നിന്നും 11 കിലോമീറ്റർ അകലെയും കൊല്ലം കെ.എസ്.ആർ.ടി.സി. ബസ് സ്റ്റേഷനിൽ നിന്നും 10 കിലോമീറ്റർ അകലെയുമായിട്ടാണ് ഈ ഗ്രാമം സ്ഥിതി ചെയ്യുന്നത്.[2] 1988 - ൽ പെരുമൺ അപകടം നടന്ന പെരുമൺ പാലം സ്ഥിതി ചെയ്യുന്നത് ഈ ഗ്രാമത്തിലായിട്ടാണ്. [3]
| പെരുമൺ | |
|---|---|
| ഗ്രാമം | |
  പെരുമൺ  പെരുമൺ | |
| Coordinates: 8.9578713°N 76.61527°E | |
| രാജ്യം |  |
| സംസ്ഥാനം | കേരളം |
| ജില്ല | കൊല്ലം ജില്ല |
| ഭാഷകൾ | |
| • ഔദ്യോഗിക | മലയാളം, ഇംഗ്ലീഷ് |
| സമയ മേഖല | IST (UTC+5:30) |
| വാഹന റെജിസ്ട്രേഷൻ | KL-02 |
പെരുമൺ ദുരന്തം
1988 ജൂലൈ 8-ന് പെരുമണിൽ സ്ഥിതി ചെയ്യുന്ന പെരുമൺ പാലത്തിൽ നിന്ന് ബാംഗ്ലൂർ-കന്യാകുമാരി ഐലന്റ് എക്സ്പ്രസ് പാളംതെറ്റി അഷ്ടമുടിക്കായലിലേയ്ക്ക് മറിഞ്ഞുണ്ടായ വൻ അപകടമാണ് പെരുമൺ ദുരന്തം എന്നു വിളിക്കുന്നത്. [4] കേരളത്തിൽ നടന്ന വലിയ ട്രെയിനപകടങ്ങളിലൊന്നായ പെരുമൺ ദുരന്തത്തിൽ 105 പേർ മരണപ്പെടുകയും ഇരുന്നൂറിലധികം പേർക്ക് പരിക്കേൽക്കുകയും ചെയ്തു. [5]പെരുമൺ ദുരന്തവുമായി ബന്ധപ്പെട്ട് ഈ ഗ്രാമത്തിൽ സ്മാരകങ്ങൾ സ്ഥിതി ചെയ്യുന്നുണ്ട്.
വിദ്യാഭ്യാസ സ്ഥാപനങ്ങൾ
- കോളേജ് ഓഫ് എഞ്ചിനീയറിംഗ്,പെരുമൺ
അവലംബം
- https://www.keralatourism.org/routes-locations/perumon/id/32653
- http://www.indiamapia.com/Kollam/Perumon.html
- https://www.mathrubhumi.com/kollam/nagaram/kollam-nagaram-1.2941644
- http://www.reporterlive.com/2018/07/08/511838.html
- http://suprabhaatham.com/%E0%B4%AA%E0%B5%86%E0%B4%B0%E0%B5%81%E0%B4%AE%E0%B4%A3%E0%B5%8D%E2%80%8D-%E0%B4%A6%E0%B5%81%E0%B4%B0%E0%B4%A8%E0%B5%8D%E0%B4%A4%E0%B4%82-%E0%B4%A8%E0%B4%9F%E0%B4%A8%E0%B5%8D%E0%B4%A8%E0%B4%BF%E0%B4%9F/