ആകാശഗോപുരം

മദ്ധ്യവയസ്കനായ ആൽബർട്ട് സാംസൺ(മോഹൻലാൽ); നഗരത്തിലെ പ്രമുഖനായ ഒരു ആർക്കിട്ടെക്ടാണ്. ഇരട്ടക്കുട്ടികളും, മാതാപിതാക്കളും, കുടുംബസ്വത്തുക്കളും, സ്വകാര്യസ്വത്തുക്കളും എല്ലാം ഒരു തീപ്പിടുത്തത്തിൽ നശിച്ചുപോയതിന്റെ ഓർമ്മകളിൽ നിന്ന് തന്റെ ഭാര്യ ആലീസ്(ശ്വേത മേനോൻ) പതിമൂന്നു വർഷങ്ങൾക്കു ശേഷവും മുക്തയാവാത്തത് ആൽബർട്ടിനെ അലട്ടുന്നുണ്ട്. ജോലിയിൽ തന്നെ വളർത്തി വലുതാക്കിയ, പിന്നീട് താൻ ചവുട്ടിത്താഴ്ത്തിയ എബ്രഹാ(ഭരത് ഗോപി)മിന്റെ മകൻ; അലക്സ്(മനോജ് കെ. ജയൻ), തന്നെ വിട്ട് സ്വതന്ത്രമായി പണിതുടങ്ങിയാൽ തന്റെ സ്ഥാനം നഷ്ടപ്പെടുമെന്ന ഭീതിയിലുമാണ് ആൽബർട്ട്. അലക്സ് തന്നെ വിട്ടുപോവാതിരിക്കുവാനായി, അലക്സിന്റെ പ്രതിശ്രുത വധു കാതറീനു(ഗീതു മോഹൻ‍ദാസ്)മായി സ്നേഹബന്ധം നടിക്കുകയും ചെയ്യുന്നു അയാൾ. ഈ സമയത്താണ് ആൽബർട്ട് പത്തുവർഷം മുൻപ് തന്റെ സാമ്രാജ്യം വാഗ്ദാനം ചെയ്ത ഹിൽഡ(നിത്യ മേനോൻ) എന്ന പെൺകുട്ടി, അയാളുടെ വാതിലിൽ മുട്ടുന്നത്.

• ഛായാഗ്രഹണം: സന്തോഷ് തുണ്ടിയിൽ
• എഡിറ്റിംഗ്: ബി അജിത്കുമാർ
• ശബ്ദവിന്യാസം: നിഗൽ ഹോളണ്ട്
• പ്രൊഡക്ഷൻ ഡിസൈൻ: സാബു സിറിൽ

1. "AakashaGopuram". Facebook. ശേഖരിച്ചത്: 2008-07-08.

• ഔദ്യോഗിക വെബ്സൈറ്റ്
• ഇന്റർനെറ്റ് മൂവി ഡാറ്റാബേസിൽ നിന്ന് ആകാശഗോപുരം
• ആകാശഗോപുരം – മലയാളസംഗീതം.ഇൻഫോ