അൻപൊലി

ഓണാട്ടുകര ഭാഗത്തുള്ള ദേവീക്ഷേത്രങ്ങളിലെ ചില പ്രത്യേക ചടങ്ങുകളോടുകൂടിയ എതിരേല്പുത്സവമാണ് അൻപൊലി. ക്ഷേത്രത്തിനടുത്ത് ഒരു നിശ്ചിതസ്ഥാനത്ത് നിർമിച്ചിട്ടുള്ള അലംകൃതമായ ഒരു പന്തലിലേക്ക് ജീവത എന്നു പറയപ്പെടുന്ന ദേവിയുടെ കോലം അല്ലെങ്കിൽ ചട്ടം നീണ്ട തണ്ടുകളിൽ ഘടിപ്പിച്ച് രണ്ടു പൂജാരികൾ ചുമലിലേറ്റി വാദ്യഘോഷസമന്വിതം കൊണ്ടുപോകുക എന്നതാണ് ഇതിലെ മുഖ്യമായ ചടങ്ങ്. മേളത്തിന്റെ താളവട്ടം മുറുകുന്നതനുസരിച്ച് വിഗ്രഹവാഹകർ നൃത്തം ചവിട്ടുകയും തുള്ളി ഉറയുകയും ചെയ്യാറുണ്ട്. ഈ ജീവത തുള്ളലിൽ പാരമ്പര്യമായി പ്രത്യേകപരിശീലനം നേടിയ പൂജാരികളാണ് പങ്കെടുക്കുക. ഇതിന്റെ പ്രധാനമേളം ഉരുട്ടുചെണ്ടയും, കൊമ്പും കുറുംകുഴലുമാണ്. എതിരേല്പിനു പോകുന്നവഴി ഭക്തൻമാർ നൽകുന്ന നിറപറ സ്വീകരിക്കുന്ന പതിവും ഉണ്ട്. ഇതിന് പറ എടുക്കൽ എന്നാണ് പറയുക.

ഇംഗ്ലീഷ് വിലാസം

https://ml.wikipedia.org/wiki/Pattambalam