یش (اداکار)

نوین کمار گاؤڑا، جو اپنے اسٹیج نام راکنگ اسٹار یش سے جانے جاتے ہیں، ایک بھارتی اداکار ہیں، جو کنڑا فلموں میں اپنے کام کے لیے جانے جاتے ہیں۔ فلموں میں کام کرنے سے پہلے، آپ اسٹیج ڈراما اور ٹیلیویژن سوپ میں نظر آتے تھے۔[1][2]

یش
کنڑا: ಯಶ್
یش
یش
معلومات شخصیت
پیدائش 08 جنوری، 1986ء
میسور  
رہائش بنگلور  
قومیت بھارتی
زوجہ رادھیکا پنڈت (شادی. 2016)
عملی زندگی
پیشہ اداکار
اعزازات
فلم فیئر اعزاز جنوبی  
ویب سائٹ
ویب سائٹ باضابطہ ویب سائٹ 
IMDB پر صفحہ 

یش نے اپنے فلمی سفر کا آغاز 2007ء میں فلم جمبڑا ہڈوگی میں معاون کردار نبھاتے ہوئے کیا۔ 2008ء میں آپ موگنا مانسو میں رادھیکا پنڈت کے ساتھ نظر آئے۔ اس فلم میں یش نے مرکزی کردار نبھایا۔ یہ فلم کامیاب قرار پائی اور یش انے اپنی اداکاری کے لیے فلم فیئر اعزاز برائے بہترین معاون اداکار حاصل کیا۔ اس فلم کے بعد موڈلاسلا (2010ء)، کراتکا (2011ء)، ڈراما (2012ء)، گوگلی (2013ء)، راجا ہلی (2013ء)، گجا کیسری (2014ء)، مسٹر اینڈ مسز راماچری (2014) ماسٹر پیس (2015ء) اور سنتھو اسٹریٹ فارورڈ (2016ء) یش کئی تجارتی طور پر کامیاب فلموں میں نظر آئے۔ مستقبل میں ان کی فلم کے جی ایف جاری کی جائے گی۔ یہ فلم سب سے مہنگی کنڑا فلم ہے۔ اس کا بجٹ ₹80 تا 100 کروڑ ہے۔ اس کے علاوہ آپ 2019ء میں فلم مائی نیم از کراتکا اور رانا میں جلوہ گر ہوں گے۔ کنڑا سنیما میں ان کی کامیابی براڈکاسٹنگ میڈیا کی طرف سے اچھے طریقے سے پیش کی گئی ہے اور اکثر انہیں کرناٹک کے مشہور اداکاروں کی فہرست میں شامل کیا جاتا ہے۔[3][4]

ابتدائی زندگی

نوین کمار گاؤڑا ہاسن ضلع، کرناٹک کے ایک قصبے بھونہلی میں ووکلگا خاندان میں پیدا ہوئے۔[5] ان کے والد ارن کمار جے پہلے ایک ٹرانسپورٹ کمپنی بی ایم ٹی سی میں کام کرتے تھے اور ان کی والدہ پشپا ایک گھریلو خاتون ہیں۔[6] ان کی ایک چھوٹی بہن نندنی ہے۔ انہوں نے اپنا بچپن میسور میں گزارا اور وہاں مہاجنا ہائی اسکول میں پڑھائی کی۔ اپنی پڑھائی کے بعد انہوں نے بینکا ڈراما گروپ میں شمولیت کی۔ یہ گروپ معروف ڈراما نگار بی وی کرنتھ نے قائم کیا تھا۔[7]

حوالہ جات
  1. "Yash looking for success"۔ Indiaglitz۔ 6 اکتوبر 2006۔ مورخہ 7 جنوری 2019 کو اصل سے آرکائیو شدہ۔
  2. "Yash honed his acting skills in theatre"۔ The Times of India۔ 21 اگست 2014۔ مورخہ 10 جنوری 2019 کو اصل سے آرکائیو شدہ۔
  3. "SUDEEP, RADHIKA EMERGE AS TOP SANDALWOOD ACTORS"۔ Bangalore Mirror۔ مورخہ 7 جنوری 2019 کو اصل سے آرکائیو شدہ۔ اخذ شدہ بتاریخ 26 جنوری 2017۔
  4. "These hunks are the most desired men"۔ The Times of India۔ مورخہ 7 جنوری 2019 کو اصل سے آرکائیو شدہ۔ اخذ شدہ بتاریخ 26 جنوری 2017۔
  5. Weekend With Ramesh – Episode 7 – August 23, 2014 (Kannada زبان میں)۔ 23 اگست 2014۔ مورخہ 7 جنوری 2019 کو اصل سے آرکائیو شدہ۔ اخذ شدہ بتاریخ 26 جنوری 2017۔ Naveen Kumar Gowda was born on 8 January 1986 in a government hospital in Bhuvanahalli in Hassan district to Arun Kumar J. and Pushpa
  6. "Actor Yash family, childhood photos"۔ Celebritykick۔ مورخہ 7 جنوری 2019 کو اصل سے آرکائیو شدہ۔ اخذ شدہ بتاریخ 16 نومبر 2015۔
  7. "Yash honed his acting skills in theatre"۔ The Times of India۔ 21 اگست 2014۔ مورخہ 7 جنوری 2019 کو اصل سے آرکائیو شدہ۔ اخذ شدہ بتاریخ 26 جنوری 2017۔

بیرونی روابط
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.