ماہر السنہ

ماہرالسنہ دو یا اس سے زیادہ زبانوں میں مہارت رکھنے والے شخص کو کہتے ہیں۔ السنہ لسان کی جمع ہے اور لسان زبان یعنی بولی کو کہتے ہیں۔

جدید دور میں زبانوں کی مہارت کو ایک خاص مقام اور اہمیت دی جاتی ہے۔ حالاںکہ انگریزی زبان کا عالمی سطح پر غلبہ ہے، پھر بھی چین اور فرانس جیسے ممالک میں لوگ اپنی زبان کے استعمال کو ترجیح دیتے ہیں۔ کئی دیگر ممالک میں لوگ دوسری زبان کو جان کر بھی اپنی زبان میں سرکاری تقاریب میں بولنے کو ترجیح دیتے ہیں۔ اس وجہ سے مترجمین اور ماہرین السنہ کی ذمے داریاں بڑھ جاتی ہیں اور ان پر لازم ہوتا ہے کہ وہ متن یا گفتگو کو حتی المقدور دوسری زبان میں وہی معانی اور مطالب میں منتقل کریں اور اس طرح لوگوں کے باہمی تبادلہ خیال میں معاون بنیں۔