قیصر بارہوی

نام سید قیصر عباس زیدی المعروف قیصر بارہوی 16 جنوری 1928 کو بارہہ کی ایک بستی کیتھوڑا میں پیدا ہوئے۔ والد سید وزارت حسین زیدی کے زیرِ تربیت ابتدای تعلیم پای۔ گیارہ برس کی عمر میں لکھنؤ آئے اور 1950 تک وہاں مقیم رہ کر مغربی تعلیم کے ساتھ علومِ مشرقی کی تحصیل بھی کی۔ علم عروض کو بھی سیکھا۔ 1938 میں شاعری کی ابتدا کی۔ شاعری میں نجم آفندی سے متاثر تھے ۔[1] اور انیس کے بھی معتقد تھے۔1950 میں وہ 22 برس کہ عمر میں جب پاکستان آئے تو ادارہِ ترقیاتِ تھل میں انہوں نے گورنمنٹ کی ملازمت اختیار کی۔ ملازمت کے سلسلے میں وہ پنجاب کے مختلف شہروں میں رہے۔ پنجاب کے مختلف حصوں میں رہے تاہم 1969 میں ادارہ ترقیاتِ تھل ختم ہو جانے کے بعد انہیں ریونیو بورڈ کی تھل برانچ میں ملازمت مل گئی لہذا مستقل طور پر لاہور میں سکونت اختیار کی ۔

قیصر بارہوی نے لکھنؤ کے زمانے سے ہی غزل، سلام، قصیدے اور رباعیات کہیں۔ البتہ اس قادرا لکلام شاعر نے 1952 میں پہلا مرثیہ کہا۔ ابتدای سات مرثیوں کا مجموعہ شبابِ فطرت شائع ہوا۔ اور جلد ہی اس زود گو شاعر نے مرثیہ گوئ کے حوالے سے ملک گیر شہرت پا لی۔ جناب قیصر بارہوی نے نہ صرف مرثیہ خوانی اور اس کی ترویج میں کا رہائے نمایاں انجام دیے بلکہ انہوں نے مرثیہ میں ایک ایسا لحن اختیار کیا جو انکی شخصیت کے ساتھ ہی مخصوص ہو کر رہ گیا۔ ۔

جناب قیصر بارہوی نے تقریباً 85 /86 مرثیے کہے ۔[2]جو مختلف مجموعوں میں بھی شائع ہوئے ۔

1. شبابِ فطرت( سات مرثیئے )سب سے پہلا مجموعہ
2. موج شہر
3. عظیم مرثیے ( 12 مرثیئے ) 1978
4. منتخب مرثیئے
5. منفرد مرثیئے
6. معتبر مرثیئے
7. بارگاہ ( قصائد کا مجموعہ )
8. امتزاج ( غزلوں کا دیوان )

ممتاز مرثیہ گو ڈاکٹر مسعود رضا خاکی نے قیصر بارہوی کی صلاحیتوں کا اعتراف کرتے ہوئے کہا۔

تاہم عاشور کاظمی کے نزدیک ان کی شاعری میں جدت بہر طور قائم رہی، وہ کہتے ہیں۔

جناب قیصر بارہوی نے 26 دسمبر 1996 میں کراچی میں وفات پائ ۔[3]