فقیر سید وحید الدین

فقیر سید وحید الدین (پیدائش: 1903ء - وفات: 16 جولائی، 1968ء) پاکستان سے تعلق رکھنے والے اردو کے نامور ادیب اور ماہرِ اقبالیات تھے۔

فقیر سید وحید الدین
معلومات شخصیت
پیدائش سنہ 1903  
لاہور ، برطانوی پنجاب  
وفات 16 جولا‎ئی 1968 (64–65 سال) 
کراچی ، پاکستان  
مدفن میانی صاحب قبرستان  
شہریت پاکستان  
عملی زندگی
پیشہ مصنف ، سوانح نگار  
پیشہ ورانہ زبان اردو  
باب ادب

حالات زندگی

فقیر سید وحید الدین 1903ء کو لاہور، برطانوی ہندوستان (موجودہ پاکستان) میں مشہور فقیر خانوادے میں پیدا ہوئے۔ ان کے والد فقیر سید نجم الدین علامہ اقبال کے احباب میں شامل تھے۔ یوں فقیر سید وحید الدین کو بھی اپنی زندگی کا بیشتر حصہ علامہ اقبال کی صحبت میں بسر کرنے کا موقع ملا۔[1]

ادبی خدمات

1950ء میں فقیر سید وحید الدین نے علامہ اقبال کے حالات پر اپنی ذاتی یاداشتوں کی مدد سے ایک کتاب روزگارِ فقیر شائع کی جو بے حد مقبول ہوئی۔ 1964ء میں اس کتاب کا دوسرا حصہ شائع ہوا۔ 1965ء میں انہوں نے علامہ اقبال کی نادر تصاویر کا البم شائع کیا۔ ان کی دیگر تصانیف میں محسنِ اعظم و محسنین اور شخصی خاکوں کا ایک مجموعہ انجمن شامل ہیں۔[1]

تصانیف
  • روزگارِ فقیر (حصہ اول)
  • روزگارِ فقیر (حصہ دوم)
  • انجمن (یاد داشتیں)
  • محسنِ اعظم و محسنین

وفات

فقیر سید وحید الدین 16 جولائی، 1968ء کو کراچی، پاکستان میں وفات پا گئے۔ وہ لاہور میں میانی صاحب کے قبرستان مین آسودہ خاک ہیں۔[1]

حوالہ جات
  1. عقیل عباس جعفری، پاکستان کرونیکل، ورثہ / فضلی سنز، کراچی، 2010ءص 287
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.