روہت شیٹی

روہت شیٹی، بالی وڈ کی جونیئر آرٹسٹ رتنا [4]اور اداکار/ سٹنٹ مین ایم بی روہت شیٹی کے گھر پیدا ہوئے۔ ایم بی شیٹی ہندی اور کنڑا فلموں میں کام کرتے تھے۔ [5] روہت شیٹھی کے چار بہن بھائی ہیں۔ [6]

روہت شیٹی نے اپنے فنی سفر کا آغاز 17 سال کی عمر میں ککو کوہلی کے ساتھ بطور اسسٹنٹ ڈائریکٹر کے فلم پھول اور کانٹے سے کیا۔پھول اور کانٹے اجے دیوگن کی پہلی فلم تھی، اس میں اجے دیوگن کے ساتھ مدھونے کام کیا تھا[7]۔ اس کے بعد انہوں نے ایک اور فلم ”ایک اور کوہ نور“ میں بطور اسسٹنٹ ڈائریکٹر کے کام کیا لیکن یہ فلم کبھی ریلیز نہیں ہوئی۔اس کے بعد انہوں نے ایک فلم سہاگ میں کام کیا۔ سہاگ کی کاسٹ میں اجے دیوگن، اکشے کمار، کرشمہ کپور شامل تھی۔ فلم حقیقت مین انہوں نے اجے دیوگن اور تبو کے ساتھ کام کیا۔ فلم ظلمی میں اکشے کمار اور ٹونکل کھنہ کے ساتھ کام کیا۔ فلم سہاگ میں انہوں نے اکشے کمار کے لیے باڈی ڈبل کا کردار بھی کیا۔ [8]

روہت شیٹھی، اجے دیوگن کے ساتھ

اس کے بعد روہت شیٹی نے انیس بزمی کے ساتھ پیار کیا تو ڈرنا کیا، ہندوستان کی قسم اور راجو چاچا میں کام کیا۔ روہت شیٹی نے بطور ہدایت کار کے اپنے سفر کا آغاز اجے دیوگن کے ساتھ 30سال کی عمر میں 2003 میں فلم زمین سے کیا۔ زمین فلم نے باکس آفس پر اوسط کاروبار کیا۔ [9][10] انہیں شہرت 2006 میں مزاحیہ فلم گول مال :فن ان لیمیٹڈ سے ملی۔ اس فلم میں اجے دیوگن، ارشد وارثی، تشار کپور اور شرمن جوشی نے اداکاری کی۔2008 میں اجے دیوگن نے اجے دیوگن، وارثی اور عائشہ تاکیا کے ساتھ فلم سنڈے بنائی۔ 2008 میں ان کی دوسری فلم گول مال ریٹرنزتھی۔