خلیق انجم

خلیق انجم 1935ء میں دہلی میں پیدا ہوئے۔ ان کا اصل نام خلیق احمد خان تھا۔ انہوں نے علی گڑھ مسلم یونیورسٹی سے گریجویشن اور ایم اے (اردو) دہلی یونیورسٹی سے پاس کیا۔ بعد ازاں دہلی یونیورسٹی سے مشہور شاعر اور صوفی بزرگ مرزا مظہر جان جاناں کی شخصیت و فن پر پی ایچ ڈی کی ڈگری حاصل کی۔[1]

38 سال تک انجمن ترقی اردو (ہند) کی خدمت کرتے رہے ہیں اور اس وقت انجمن ترقی اردو (ہند) کے نائب صدر کی حیثیت سے وابستہ تھے۔

خلیق انجم کی تقریباً 80 کتابیں مختلف موضوعات پر شائع ہوچکی ہیں۔ جن میں قابل ذکر آثار الصنادید، انتخاب خطوطِ غالب، متنی تنقید، غالب کا سفر کلکتہ اور ادبی معرکہ اور حسرت موہانی وغیرہ قابل ذکر ہیں۔

خلیق انجم نے 18 اکتوبر 2016ء کی صبح ساڑھے دس بجے دہلی میں آخری سانس لی اور راہی ملکِ عدم ہوئے۔ [2]

• انجمن ترقی اردو