حسب حال (ٹی وی پروگرام)

حسب حال دنیا نیوز پر نشر ہونے والا سیاسی مزاحیہ پروگرام ہے۔ اس کا آغاز 2009 میں ہوا۔ اس کے میزبان جنید سلیم ہیں جبکہ ناجیہ بیگ اور سہیل احمد مہمان کی حیثیت سے کردار ادا کرتے ہیں۔2014ء سے انجم نواز بھی پروگرام میں شامل ہوچکے ہیں اور تقریبا ہر قسط میں جلوہ گر ہوتے ہیں۔

نام حسب حال
آغاز 2009
ملکیت دنیا نیوز
ملک پاکستان
ویب سائٹ حسبِ حال

پروگرام کے حصے

پروگرام کے درج ذیل حصے ہیں:

  • ادب پارے
  • بیت بازی
  • حسب ماضی
  • حسب ڈاک
  • انٹرویو
  • خبروں پر تبصرہ
  • مخبریاں
  • آف بیٹ حسب حال
  • سیاسی فلم
  • تو تو-میں میں

پیروڈی

عزیزی مختلف سیاسی و سماجی شخصیات کا روپ دھار کر ان کی پیروڈی کرتے ہیں۔ کچھ پیروڈیز درج ذیل ہیں:

عزیزی مختلف روپوں میں
فیکا فیکا ایک غریب خاندان کا فرد ہے جن کو اپنی ضروریاتِ زندگی کے لیے مشکلات درکار ہوتی ہیں۔ فیکے کی صورت میں سہیل احمد معاشرے کے نچلے طبقے کی عکاسی کرتے ہیں۔
پی-کیو-ان مکمل نام پرویز قیصر نصیر ہے جو ایک بدعنوان سیاست دان ہے۔ عام طور پر انتخابات اور جلسوں کے موضوع زیرِبحث آتے ہیں۔
دیما دیما دراصل ایک بیمار شخص ہے جو کو اس وقت بلایا جاتا ہے جب کسی خاص موقعے پر کوئی خاص بیماری جنم لیتی ہے۔
زی-وی-ایس زی-وی-ایس ایک فیشن ڈیزائنر ہے جو کے جدت کو پسند کرتا ہے۔ وہ پرانے خیال کے لوگوں کو ناپسند کرتا ہے۔
عامل بابا عامل بابا دراصل ایک جعلی عامل ہیں جس کے ذریعے عزیزی جعلی عاملوں کا پردہ فاش کرتے ہیں۔
ماسٹر مجید ماسٹر مجید ایک سکول کے استاد ہیں اور انھیں امتحانات اور نتائج کے اعلانات کے وقت بلایا جاتا ہے۔
مسٹر مائیکل مسٹر مائیکل ایک انگریز ہیں جو پاکستان کو دی جانے والے امریکی امداد کے بل بوتے پر رعب جماتے ہیں۔
سریلے خان سریلے خان اپنے معاون کے ہمراہ تشریف لاتے ہیں۔ وہ اپنے راگ کے ذریعے ناظرین کو محظوظ کرتے ہیں۔
ایس-ایچ-او ایش-ایچ-او صاحب پولیس کی طرف سے نمائندگی کرتے ہیں۔ پولیس کے برایئاں اور مسائل زیرِ بحث آتے ہیں۔

اس کے علاوہ بہت سے سیاست دانوں کی بھی پیروڈی کی جاتی ہے۔

اثرات

حسبِ حال کی شہرت سے کئی چینلوں نے اس قسم کے شوز کا آغاز کیا جن میں خبرناک،3 ایڈیٹ،مستی گیٹ اور نیوز نائٹ سرِ فہرست ہیں۔ خبر ناک کے علاوہ باقی سب کم ریٹنگ کی وجہ سے معطل کر دیے گئے۔

بیرونی روابط
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.