ஹோம்புஷ்

ஹோம்புஷ் என்ற புறநகர் 1800களில் அப்போதைய குடியேற்ற நாட்டின் உதவி அறுவை மருத்துவராக இருந்த டார்சி வென்ட்வர்த் என்பவரால் அமைக்கப்பட்டது. இவருக்கு அப்போது இப்பகுதியில் 3.73 கிமீ² பரப்பு நிலம் ஒதுக்கப்பட்டது. இப்பகுதியை அவர் ”புதர்களில் வீடு" ('home in the bush') என அழைத்தார் என்பர்."[1].

இங்குள்ள "ஹோம்புஷ் தொடருந்து நிலையம்" சிட்னி நகரையும், மேற்குப் புறநகர்களையும் இணைக்கிறது. பரமட்டா வீதி, மற்றும் எம்4 அதிவேக நெடுங்சாலை ஆகியன ஹோம்புஷ் இனூடாகச் செல்கின்றன.

த கிறசெண்ட், ரொச்செஸ்டர் சாலை, மற்றும் பர்லிங்டன் சாலை ஆகியவற்றில் பல வணிக, பலசரக்கு, மற்றும் உணவுச் சாலைகள் காணப்படுகின்றன. இலங்கை, இந்திய உணவுச் சாலைகள், பலசரக்குக் கடைகள் இங்கு மிகுந்து காணப்படுகின்றன.

• ஹோம்புஷ் ஆரம்பப் பாடசாலை - அரச ஆரம்பப் பள்ளி
• ஹோம்புஷ் ஆண்கள் உயர்தரப் பாடசாலை - அரச உயர் பள்ளி
• ஹோம்புஷ் தமிழ்க் கல்வி நிலையம் சனி, ஞாயிற்றுக்கிழமைகளில் ஹோம்புஷ் ஆரம்பப் பாடசாலையில் இயங்குகிறது.

2006 ஆம் ஆண்டு மக்கள் தொகைக் கணக்கெடுப்பின் படி, ஹோம்புஷ் நகரில் 7,016 பேர் வாழ்கின்றனர். இவர்களில் 3,552 ஆண்கள், 3,464 பெண்கள், 15 ஆஸ்திரேலியப் பழங்குடியினர் ஆவர். 44.4% பேர் மட்டுமே ஆஸ்திரேலியாவில் பிறந்தவர்கள்[2], இந்தியாவில் பிறந்தவர்கள் (8.9%), இலங்கை (8.5%), சீனா (8.5%), கொரியா (8.3%), வியட்நாம் (2.1%) ஆவர். ஆங்கிலத்த்துக்கு அடுத்ததாக தமிழ் மொழி பேசுபவர்களே (11.5%) இங்கு அதிகம் ஆவர்[2].

கத்தோலிக்க சமயத்தைப் பின்பற்றுவோர் 23.8% உம், அதற்கடுத்தபடியாக இந்துக்கள் (17.8%) ஆவர்[2].

• ஹோம்புஷ் ஆரம்பப் பாடசாலை