வேதிவினை வழிமுறை

வினை இடைநிலைப்பொருட்கள் என்பவை பெரும்பாலும் நிலைத்தன்மையில்லாத. குறுகிய ஆயுட்காலம் கொண்ட(சில நேரங்களில் பிரித்தெடுக்கக்கூடிய வாய்ப்புள்ள) வேதிப்பொருட்களாக உள்ளன. இவை, வேதிவினையில் வினைபடு பொருட்களும் அல்லாமல், வினைவிளை பொருட்களும் அல்லாமல் வினை வழிமுறையின் படிநிலைகளில் உருவாகின்ற தற்காலிகமான வேதிப்பொருட்களாகும். பெரும்பாலும் வினை இடைப்பொருட்கள் தனி உறுப்புக்களாகவோ அல்லது அயனிகளாகவோ காணப்படுகின்றன.

வினைவேகவியலானது (ஒட்டுமொத்த வினையின் வேகச்சமன்பாடு மற்றும் வினையின் படிநிலைகளின் ஒப்பு வேகம்) வினையில் வினைபடும் பொருட்களை உத்தேசிக்கப்பட்ட நிலைமாறு நிலைக்கு மாறுதல் செய்யத் தேவையான ஆற்றலின் அடிப்படையில் கணக்கிடப்படுகிறது.

ஒரு வினையின் வழிமுறைையக் குறித்த தகவல்களானவை, பெரும்பாலும், அந்த வினையின் வேகத்தைப் பற்றி அறிய உதவும் வினைவேகச் சமன்பாடு மற்றும் ஒவ்வொரு வினைபடு பொருளின் நிலையிலிருந்தும் வினையின் படி ஆகியவற்றிலிருந்து கிடைக்கிறது.[2]

கீழே தரப்பட்டுள்ள உதாரணத்தை எடுத்துக் கொள்வோம்:

CO + NO₂ → CO₂ + NO

இந்த வினையில், வினையானது, ${\displaystyle r=k[NO_{2}]^{2}}$ என்ற வினைவேகச் சமன்பாட்டின்படி நிகழ்வதாகச் சோதனைகள் மூலம் கண்டறியப்பட்டுள்ளன. இந்த வடிவம் வினையின் வேகத்தைக் கண்டறியும் படியினைப் பற்றிய தகவலைத் தருகிறது. இந்த வினையில் வினையின் வேகத்தை நிர்ணயிக்கும் வினையின் படியாக இரண்டு மூலக்கூறுகள் NO₂ க்கு இடையேயான வினை அமைகிறது. வினைவேகச்ஒ சமன்பாட்டை விளக்கும், வினைக்கான சாத்தியமுள்ள வினை வழிமுறை பின்வருமாறு:

2 NO₂ → NO₃ + NO (மெதுவான வினை)

NO₃ + CO → NO₂ + CO₂ (வேகமான வினை)

ஒவ்வொரு படிநிலையும் அடிப்படைப் படிநிலையாகும், மேலும் ஒவ்வொன்றும் தனக்கான வினைவேகச் சமன்பாட்டையும், மூலக்கூறு படிநிலையையும் கொண்டுள்ளன. அசலான வினையைப் பெற அடிப்படைப் படிநிலைகள் சேர்க்கப்பட வேண்டும்.

ஒரு வினையின் ஒட்டுமொத்த வினை வேகச்சமன்பாட்டை கண்டறியும் போது, மெதுவான படிநிலையே வினையின் வேகத்தைத் தீர்மானிக்கும் படிநிலையாக இருக்கிறது. ஏனெனில், மேலே குறிப்பிட்டுள்ள வினையில், முதல் படியானது, வேகம் குறைந்த, வினையின் வேகத்தை நிர்ணயிக்கும் படிநிலையாக உள்ளது. இந்தப்படிநிலையில் வினையானது இரண்டு NO₂ மூலக்கூறுகளின் மோதலைக் கொண்டுள்ளதுடன், இது ஒரு இரண்டாம்படி வினையாக ${\displaystyle r=k[NO_{2}]^{2}}$ என்ற வினைவேகச் சமன்பாட்டைக் கொண்டதாகவும் உள்ளது.