வித்யாபதி

ஒரு இளைஞன் தன் பெற்றோரிடம், ஒரு பெண்ணுடன் பழகி, காதலித்துத்தான் திருமணம் செய்வேன் என்று சொல்கிறான். அவன் பத்திரிகையின் வந்த திருமண விளம்பரத்தில் ஒரு பெண்ணைப் பற்றிய குறிப்பைக் காண்கிறான். அந்தப் பெண்ணை சந்திக்க செல்லும் வழியில் அவனது உடைமைகள் திருடப்படுகின்றன. அவனுக்கு ஒரே ஒரு ஆடை மட்டுமே மிஞ்சுகிறது., இந்த நிலையில் ஒரு போலி சாது அந்த இளைஞனை தன்னுடன் அழைத்துச் செல்கிறான். அந்த போலிச்சாது இளைஞனை ஒரு யோகி போல மாற்றுகிறான். இதற்கிடையில், ஒரு நடனமாடும் தேவதாசியை விரும்பிய ஒரு ஜமீன்தார், அவரது மனைவியையும் மகளையும் புறக்கணிக்கிறார். அந்த போலி சாதுவும், யோகியும் (இளைஞன்) பணம் சம்பாதிப்பதற்கான ஒரு யோசனையுடன் அப்பெண்ணை சந்திக்கிறார்கள். ஆனால், இளைஞனும் பெண்ணும் ஒருவருக்கொருவர் அன்பு செலுத்துகிறார்கள். பல திருப்பங்களுக்குப் பிறகு, அவர்கள் இருவரும் திருமணம் செய்துகொள்கிறார்கள்.[3]

பிலிம் நியூஸ் ஆனந்தன். அவர்களின் தகவல் தொகுப்பிலிருந்து எடுக்கப்பட்டது.

திருமதி ரெயின்பர்ட் அமைத்த ஒரு மேற்கத்திய வகை நடனத்திற்கு கே. தவமணி தேவி நடனமாடியுள்ளார். பின்னணி இசையை சி. ஜி. ராப் மற்றும் அவரது குழுவினர் அமைத்தனர். தமிழ் பாடல் ஒன்று ஆங்கில வார்த்தைகளை கொண்டு அந்த நேரத்தில் வந்தது ஒரு புதுமையாக இருந்தது, ஆங்கில வார்த்தைகள் கே. தவமணி தேவியால் எழுதப்பட்டது. படத்தில் தனது ஆடைகளை அவரே வடிவமைத்து கொண்டார்.[4]

இப்படத்தின் இசை ஏ. ராமா ராவ், பாடல்கள் எழுதியது உடுமலை நாராயணகவி.

திரைப்பட வரலாற்றாசிரியர் ராண்டார் கை 2010 இல் எழுதியது: "சுவாரஸ்யமான கதை, நகைச்சுவை உரையாடல், நல்ல பாடல் மற்றும் எண்ணற்ற நடனங்கள் மற்றும் தவமணியின் அற்புதமான நடிப்பு போன்ற நல்ல அம்சங்கள் இருந்தன.