லெவி முவனவாசா

வடக்கு ரொடீசியாவில் பிறந்த முவனவாசா குடும்பத்தில் 10 பிள்ளைகளில் இரண்டாவதாகப் பிறந்தவர். சாம்பியாப் பல்கலைக்கழகத்தில் சட்டத் துறையில் பட்டம் பெற்று 1974 முதல் 1978 வரையில் சட்டத்தரணியாகப் பணிபுரிந்தார். 1985 இல் சாம்பிய அரசில் சொலிசிட்டர் ஜெனரலாகப் பணியாற்றினார். 1991 இல் நாட்டின் உதவி சனாதிபதியானார். டிசம்பர் 8, 1991 இல் சாலை விபத்தொன்றில் இவர் படுகாயமடைந்தார்.

1994 வரை நாட்டின் உதவி சனாதிபதியாகப் பணியாற்றினார். 1996 இல் பலகட்சி மக்களாட்சிக்கான இயக்கம் சார்பாக அதிபர் தேர்தலில் போட்டியிட்டுத் தோல்வியடைந்தார். அதன் பின்னர் அரசியலில் இருந்து ஒதுங்கி இருந்தார். 2001 இல் இடம்பெற்ற தேர்தலில் வெற்றி பெற்று ஜனவரி 2, 2002 இல் நாட்டின் ஜனாதிபதியானார்[2]. 2006 ஆம் ஆண்டில் இடம்பெற்ற தேர்தலில் போட்டியிட்டு இரண்டாம் தடவையாக சனாதிபதியானார்[3].

• The Times: Levy Mwanawasa: Zambian President (Obituary)
• The Telegraph: Levy Mwanawasa, President of Zambia who stood out among African leaders in his condemnation of the regime of Robert Mugabe