இரைபோசு

ரைபோஸ் (Ribose) என்பது எல்லா உயிரினங்களிலும் அடிப்படியாக உள்ள ஒரு வேதிப்பொருள். இது ஐந்து கரிம (கார்பன்) அணுக்களும் 10 ஹைட்ரஜன் அணுக்களும், ஐந்து ஆக்ஸிஜன் அணுக்களும் கொண்ட ஒரு வேதிப் பொருள். டி-ரைபோஸ் என்பது ஐந்து கரிம அணுக்கள் கொண்ட ஒற்றைச்சர்க்கரைப் பொருள் (சருக்கரை) (monosaccahride) ஆகும். ரைபோஸை சுருக்கமாக ஓர் ஐந்து கரிம இனியம் (பெண்ட்டோஸ், pentose) எனலாம். இதன் வேதியியல் மூலக்கூறு வாய்பாடு C₅H₁₀O₅ ஆகும். இதனை 1905 ஆம் அண்டு ஃவேபஸ் லெவீன் (Phoebus Levene) என்பார் கண்டுபிடித்தார்.

ஐந்து கரிம அணுக்கள் கொண்டு வளைய வடிவில் இருக்கும் ரைபோஸ்

இந்த ரைபோஸானது ஆர் என் ஏ (RNA) என்னும் ரைபோ-நியூக்லிக்-ஆசிடின் ஒரு கூறு ஆகும். ஆர் என் ஏ என்பது உடலியக்கத்திற்கு அடிப்படைத் தேவையான உயிர்வேதிப்பொருள்களை உருவாக்கத் துணையாக இருக்கும் நீள்மான ஓரிழை மூலக்கூறு ஆகும்.

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.