முக்தாம்பாள் சத்திரம்

முக்தாம்பாள் சத்திரம் தஞ்சாவூர் மாவட்டம் ஒரத்தநாட்டில் உள்ளது. சத்திரம் அமைந்துள்ள பகுதி முக்தாம்பாள்புரம் எனப்படும். இந்த சத்திரமானது 1802 ஆம் ஆண்டு சனவரி 16 ஆம் நாள் பொங்கள் நாளை ஒட்டித் திறக்கப்பட்டதாக அங்கு உள்ள கல்வெட்டு தெரிவிக்கிறது.[1]

முக்தாம்பாள் இரண்டாம் சரபோஜியின் காதல் கிழத்தி ஆவார். அவருடைய நினைவாக இச்சத்திரம் அமைக்கப்பட்டது. ஒரத்தநாட்டில் இந்த சத்திரம் உட்பட அக்ரகாரம், கோயில், குளம் போன்றவற்றையும் அவர் அமைத்தார். இவ்வாறே சைதாம்பாள்புரம் என்ற ஊர் அவருடைய மனைவியருள் ஒருவரின் பெயரால் நிர்மாணிக்கப்பட்டதாகும். [2]

இந்தச் சத்திரம் கலை நுட்பங்களைக் கொண்டு அமைந்துள்ளது. கண்ணைக் கவரும் வகையில் வேலைப்பாடுகளுடன் காணப்படுகிறது. [3]

தற்போது இச் சத்திரம் பராமரிப்பின்றி காணப்படுகிறது.