மு. சரவணன்

டத்தோ முருகன் சரவணன் (Murugan Saravanan, பொதுவாக எம். சரவணன் (M. Saravanan), மலேசியத் தமிழ் அரசியல்வாதி ஆவார். மலேசியாவின் பேராக் மாநிலத்தின் தப்பா தொகுதியின் நாடாளுமன்ற உறுப்பினராக உள்ளார். நஜீப் துன் ரசாக்கின் தலைமையிலான கூட்டரசில் நடுவண் பிரதேச நகர்ப்புற துணையமைச்சராகப் பொறுப்பில் உள்ளார்.[2] இவர் மலேசிய இந்தியர் காங்கிரசின் உதவித் தலைவராகவும், கூட்டரசு பிரதேச ம.இ.கா தலைவராகவும் பொறுப்பு வகிக்கின்றார். தமிழ் இலக்கியம், சைவ சமயம் ஆகிய துறைகளில் ஆர்வம் உள்ளவராகவும். அரசியல் தலைவர்கள் மத்தியில் நல்ல தமிழ்ப் பேச்சாளராகவும் திகழ்கின்றார்.

நாடாளுமன்றத்துக்குத் தெரிவாக முன்னர் சரவணன் மேலவை உறுப்பினராக இருந்தார்.[3] 2008 ஆம் ஆண்டுத் தேர்தலில் இவர் பேராக் மாநிலத்தின் தப்பா தொகுதியில் ம.இ.கா. போட்டியிட்டு மக்கள் நீதிக் கட்சி வேட்பாளரைத் தோற்கடித்து வென்றார். மலேசிய இந்தியக் காங்கிரசு சார்பில் இத்தேர்தலில் போட்டியிட்டு வெற்றி பெற்ற மூவரில் சரவணனும் ஒருவர்.[4].